Bargguhisvuođabeaiveruhta

Bargguhisvuođabeiveruhta sáhttá leat dietnasii čatnašuvvan beaiveruhta dahje vuođđobeaiveruhta.

Dietnasii čadnon beaiveruhta

Bargguhisvuođakássa rehkenastá dienasbeaiveruđa meari dietnasiid elege boađuid mielde. Sáhtát oažžut dietnasii čatnašuvvan beaiveruđa, jos gulat bargguhisvuođakássii. Sierra ámmátsurggiin lea dávjá iežas bargguhisvuođakássa. Gávdnojit maiddái bargguhisvuođakássat, maidda gii beare sáhttá searvat lahttun.

Kela ii mávsse dienasbeaiveruđa, iige dan sáhte ohcat Kelas.

Bargguhisvuođakássa máksá dienasbeaiveruđa, jos leat gullan bargguhisvuođakássii doarvái guhká ja deavddát barggus orruneavttu. Barggus orruneavttu deavdin dárkkuha, ahte leat leamaš doarvái guhká barggus ovdal bargguheapmen báhcima.

Dienasbeaiveruđa sáhttá oažžut eanemustá 400 beaivve. Jos leat leamaš barggus vuollái 3 jagi, sáhtát oažžut dienasbeaiveruđa eanemustá 300 beaivve.

Jeara lassidieđuid dietnasii čatnašuvvan beaiveruđas iežat bargguhisvuođakássas dahje Bargguhisvuođakássaid oktasašorganisašuvnnas (tyj.fi, suomagillii).

Vuođđobeaiveruhta

Jos it leat bargguhisvuođakássa lahttu itge oaččo dienasbeaiveruđa, Kela máksá dutnje vuođđobeaiveruđa. Dan sáhttá oažžut eanemustá 400 beaivve. Jos leat leamaš barggus vuollái 3 jagi, sáhtát oažžut vuođđobeaiveruđa eanemustá 300 beaivve.

Vuođđobeaiveruđa oažžumii leat ráddjehusat, jos leat vuollel 25-jahkásaš.

Loga lasi vuođđobeaiveruđa ohcamis (suomagillii).

Man olu sáhttá oažžut vuođđobeaiveruđa?

Vuođđobeaiveruhta lea 37,21 euro beaivvis, ja oaččut dan 5 beaivvis vahkus.

Mávssat vearuid vuođđobeaiveruđas.

Sáhtát ieš árvvoštallat rehkenastiin, man olu oaččut vuođđobeaiveruđa (suomagillii).

Barggusorronneaktu

Vai oaččut vuođđobeaiveruđa, fertet deavdit barggusorroneavttu.

Barggus orruneaktu čoggo

• okta mánotbadji, jos leat ožžon mánotbaji áigge bálkká unnimustá 930 euro
• bealle mánotbadji, jos leat ožžon mánotbaji áigge bálkká unnimustá 465 muhto vuollel 930 euro.

Leat deavdán barggusorruneavttu, go dát barggus orrun mánotbajit leat čoggon oktiibuot 12 maŋimuš 28 mánotbaji áigge.

Sáhtát oažžut bargguhisvuođabeaiveruđa muhtin dáhpáhusain maiddái dalle, go leat olgoriikkain ja ozat doppe bargguid.

Barggusorronektui sáhttá rehkenastit barggu guhkitge áigodagas go 28 mánotbaji áiggis ovdamearka dihte čuovvovaš dáhpáhusain:

• leat buohcan
• leat stuđeren
• dikšon vuollel 3-jahkásaš mánát
• oassálastán BE-doaimmahaga ordnen doibmii.

Fitnodatdoalliin lea sin iežaset barggusorroneaktu. Jos leat fitnodatdoalli, dárkkis vuođđobeaiveruđa eavttuid Kelas.

Bargguheapmin olgoriikkain

Bargguhisvuođabeaiveruhta máksojuvvo muhtun dáhpáhusain maiddái dalle, go leat olgoriikkain ja ozat doppe barggu.

Sáhtát jearrat lasi bálvalannummiris 020 692 210.