Kela almmustahtii jagi 2023 ovdobrošyraid
Kela lea almmustahttán jagi 2023 čielgabrošyraid. Čielgagielat brošyrat muitalit Kela ovdduin čielgagielain sierra eallindiliin. Maiddái Kela bargoguoimmit sáhttet diŋgot brošyraid alcceseaset.
Kela almmustahttá kaleandarjagiid mielde gávcci eallindili guoski čielgagielat ovdobrošyra. Dain čieža leat dál olggosaddojuvvon suoma- ja ruoŧagillii. Seamma háve leat beaiváduvvon maiddái brošyraid sáme-, eaŋgals- ja ruoššagielat giellaveršuvnnat.
Dál gárvánan brošyrat leat
- Ealáhagat ja ealáhatoažžu eará doarjagat
- Mánnábearrašat
- Buohcan ja veajuiduhttin
- Áigáiboahtodoarjja
- Bargguhisvuohta
- Olgoriikkain Supmii dahje Suomas olgoriikkaide
- Almmolaš ássandoarjja.
Studeanttaid ja vearjogeatnegasaid doarjaga guoski brošyra beaiváduvvo skuvlajagi 2023–2024 várás, ja dat almmustahtto maŋŋelabbos giđđat.
Brošyraide leat beaiváduvvon ođđa ovdosupmit ja jagi 2023 eará ovdonuppástusat. Beaivádeami oktavuođas maiddái brošyraid bajiloaidnu lea vehá ođasmuvvan ja visuálalaš hápmi lea čielggasmahtton ain ovddežis.
Suoma- ja ruoŧagielat čielgabrošyrat ja daid sámegielat veršuvnnat beaiváduvvojit jahkásaččat. Sámegillii brošyrain leat oažžun láhkai veršuvnnat Suomas hállon buot sámegielaiguin elege davvisáme-, anáraš- ja nuortalašgillii. Eaŋgals- ja ruoššagielat veršuvnnat beaiváduvvojit juohke nuppi jagi.
Bargoguoimmit sáhttet diŋgot brošyraid Kelas
Čielgabrošyraid oažžu Kela bálvalan- ja áššedikšunčuoggáin. Kela sádde čielgasuoma- ja čielgaruoŧagielat brošyraid iežas bálvalančuoggáid lassin maiddái ovdamearkan sosiáladoaimmahagaide, BE-doaimmahagaide ja rávvehagaide.
Bargoguoimmit sáhttet diŋgot čielgabrošyraid ja daid sierra giellaveršuvnnaid ja Kela prentejuvvon eará brošyraid šleađgapoastta bokte Kela skovvevuorkkás čujuhusas lomakevarasto@kela.fi. Uhcimus diŋgonmearri lea 10 stuhka/sádden.
Sámegielat brošyraid sáhttá diŋgot šleađgapoastta bokte čujuhusas saame@kela.fi. Sámegielat brošyrat sáddejuvvojit dárbbu mielde maiddái uhcimus diŋgonmeari smávit mearri.
Čielgabrošyraide sáhttá oahpásmit maiddái neahtas
Kela brošyraid ja infogihppagiid pdf-neahttaveršuvnnaide sáhttá oahpásmuvvat maiddái kela.fi-siidduin. Brošyraid neahttaveršuvnnain leat váldon vuhtii olahahttivuođagáibádusat nu, ahte bláđen lihkosmuvvá bures maiddái ruvttolohkkis.
Čielgabrošyraid sisdoallu gávdno maiddái kela.fi-neahttasiidduin suomagillii ja ruoŧagillii sihke davvisáme-, anáraš- ja nuortalašgillii.
Čielgagiella lea iežas giellahápmi
Čielgagiellaguovddáš lea mieđihan Kela čielgabrošyraide čielgagielladovddaldaga. Dovddaldat lea mearka das, ahte preanttus deavdá čielgagiela kriteraid. Čielgagiella lea iežas suomagiela hápmi, mas sisdoallu, sátnerádju ja ráhkadusat leat hábmejuvvon álkibut áddehahttin.
Čielgamateriálain ávkašuvvet erenomážit
- olbmot, geain leat muitinbuozalmasat dahje lohkama ja oahppama váttisvuođat
- ovdánanváttolaš olbmot
- dakkár olbmot, geaid eatnigiella ii leat suoma- iige ruoŧagiella.
Kelas eai leat sierra almmolaš gielat ovdobrošyrat, daningo lea jurddašuvvon, ahte čielgabrošyrat bálvalit buot geavaheaddjiid. Čielgagiella heive buohkaide, ja gii beare sáhttá hástaleaddji eallindilis dárbbašit čielgagiela. Čielgagiella lea seammá háve buorre vuođđu maiddái jorgalusaide.