Oahpásmuva studeanta ovdduide sámegillii
Kela lea almmustahttán jagi 2023 Studeanttat ja vearjogeatnegasat -brošyra. Brošyra muitala maiddái sámegielaiguin, mo Kela doarju studeanttaid ja olbmuid, geat leat soahteveagas dahje siviilabálvalusas ja mo ovdduid ohcat.
Kela almmustahttá juohke kaleandarjagi gávcci iešguđetlágan čielgagielat ovdobrošyra guđege eallindili mielde. Dain čieža almmustahttojuvvui jo álgojagi. Dál lea almmustahtton maiddái maŋimuš brošyra Studeanttat ja vearjogeatnegasat. Seammás leat beaiváduvvon brošyra sáme- eaŋgalas- ja ruoššagielat veršuvnnat.
Kela čielgagielat ovdobrošyra ovdanbuktá buot studeanttaid ja vearjogeatnegasaid ovdduid čielgasuomagillii ja čielgaruoŧagillii. Brošyra muitala mo Kela doarju studeanttaid ja olbmuid, geat leat soahteveagas dahje siviilabálvalusas ja mo ovdduid ohcat. Brošyra, man ádde álkit, heive buohkaide Kela áššehasaide.
Brošyrii leat beaiváduvvon ođđa ovdosupmit ja earát jagi 2023 ovdonuppástusat. Beaivádeami oktavuođas maiddái Studeanttat ja vearjogeatnegasat -brošyra bajiloaidnu lea vehá ođasmuvvan ja visuála hápmi lea čielggasmahtton ovddežis.
Studeanttat ja vearjogeatnegasat -brošyra sámegielat pdf-neahttaveršuvnnaide sáhttá oahpásmuvvat kela.fi-siidduin. Olahahttivuođagáibádusat leat váldon vuhtii brošyraid neahttaveršuvnnain, de bláđen lihkostuvvá bures maiddái ruvttolohkkin.
Studeanttaid ja vearjogeatnegasaid ovdduin sáhttá lohkat sámegielaiguin maiddái Kela sámegielat neahttasiidduin.
Bargoguoimmit sáhttet diŋgot brošyraid Kelas
Čielgabrošyraid oažžu Kela bálvalan- ja áššiiddikšunbáikkiin. Kela sádde čielgasuoma- ja čielgaruoŧagielat brošyraid iežas bálvalanbáikkiide lassin maiddai oahppolágádusaide.
Ovttasbargoguoimmit sáhttet diŋgot čielgabrošyraid ja daid sierra giellaveršuvnnaid ja earáid Kela brošyraid, mat leat prentejuvvon, šleađgapoasttain Kela skovvevuorkkás čujuhusas lomakevarasto@kela.fi. Minimadiŋgonmearri lea 10 stuhka/sádden.
Sámegielat brošyraid sáhttá diŋgot šleađgapoasttain čujuhusas saame@kela.fi. Sámegielat brošyrat sáddejuvvojit dárbbu mielde maiddái unnit mearri go minimadiŋgonmearri lea.