Mäʹhtt tuärjjõõzz meäʹr laʹsǩǩeet?
Vuäitak vuäǯǯad vuâđđpiʹrǧǧeemtuärjjõõzz, jõs tuʹst lie jäänab vuâđđpiʹrǧǧeemtuärjjõʹsse primmsallaš kool ko puåtti da väär.
Kela tuejjad puåttjinad da koolainad laaskâlm. Vuâđđvueʹzz laʹsǩǩeet koolai sizz. Laaskâlm veäkka seʹlvvan, mâʹmmet vuäitak vuäǯǯad vuâđđpiʹrǧǧeemtuärjjõõzz.
Tuärjjõõzz meäʹr vuäǯǯat nuʹtt, što puåttjin ǩieʹppeet koolaid, koid vuäitak vuäǯǯad piʹrǧǧeemtuärjjõõzz. Piʹrǧǧeemtuärjjõõzzâst jeät mahssu piiđ.
Ärvvtõõl laʹsǩǩeem-mašinain, mâʹmmet vuäitak vuäǯǯad vuâđđpiʹrǧǧeemtuärjjõõzz (lääddas).
Ouddmiârkk piʹrǧǧeemtuärjjõõzz meäʹr laʹsǩǩummšest
Semman lij reâuǥteʹmes õhttuhuõlteei, ǩeäʹst lie kueʹhtt pâʹjjel 10-ekksa päärna. Son ååcc Kelast vuâđđpiʹrǧǧeemtuärjjõõzz, ko suu tieʹǧǧ jie riʹjtte pukid koolaid.
Piârri puåtti da väär lie:
- reâuǥteʹmesvuõtt-tuärjjõs 595,36 euʹrred määnpââʹjest (netton leʹbe piiđi mâŋŋa)
- päärnažlââʹss da õhttuhuõlteeipââjõs 346,32 euʹrred määnpââʹjest
- jälstemtuärjjõs 579,32 euʹrred määnpââʹjest
- jeäʹltemtuärjjõs 396,26 euʹrred määnpââʹjest
-
250 euʹrred, kook lie Semman šeäʹšttemtiill âʹlnn.
Puåtti õhttsiʹžže: 2 167,54 euʹrred määnpââʹjest
Piârri kool lie:
- vuåkrr 810 euʹrred määnpââʹjest
- čääʹccmähss 45 euʹrred määnpââʹjest
- liâdgglaskk 52 euʹrred määnpââʹjest
- tiõrvâsvuõttkõõskõsmähss 26 euʹrred
- takai aarǥ kool leʹbe vuâđđvueʹzz õhttsiʹžže 1 477,95 euʹrred määnpââʹjest
- õhttuhuõlteei 676,65 euʹrred määnpââʹjest
- vuõssmõs pâʹjjel 10-ekksaž päärnaž 415,49 euʹrred määnpââʹjest
- nuʹbb pâʹjjel 10-ekksaž päärnaž 385,81 euʹrred määnpââʹjest
Kool õhttsiʹžže: 2 410,95 euʹrred määnpââʹjest
Puåttjin ǩieʹppeet koolaid: 2 167,54 euʹrred –2 410,95 euʹrred = –243,41 euʹrred
Kela mähss Seamman piârrja vuâđđpiʹrǧǧeemtuärjjõõzz 243,41 euʹrred määnpââʹjest.