Čáládâttâm siisâ MuuKelan
Vâi tun pastah čáládâttâđ siisâ MuuKelan, te tun koolgah vistig tubdâttâttâđ ađai visásmittiđ persovnvuođâd. MuuKelast kiävttoo Suomi.fi-tubdâttâttâm.
Tun tarbâšah monnii čuávvoin:
- persovnliih nettipaŋkkitubdâlduvah
- mätkipuhelin moobiilvisásmittem
- persovnkorttâ, mast lii aalmuglâšvisásmittem.
Jis tun jieh paste tubdâttâttâđ, te vääldi ohtâvuođâ mii äššigâspalvâlusân.
Tun peesah čáládâttâđ siisâ MuuKelan jyehi siijđo rievtispele pajenurheest saajeest Čáládât siisâ (Kirjaudu).
Nettipaŋkkitubdâlduvah
Paaŋkih mieđetteh persovnlijd nettipaŋkkitubdâlduvâid jieijâs njuolgâdusâi mield. Sierâ paaŋkijn láá meid sierâlágán tubdâttâttâmvyevih, ovdâmerkkân heiviittâsah já čoovdâtubdâldâhkoortah. Vääldi ohtâvuođâ jieijâd paaŋkin, jis tust láá koččâmušah nettipaŋkkitubdâlduvâin.
- Valjii kela.fi-siijđo pajeroobdâst saje Čáládât siisâ – Persovnäššigâsah (Kirjaudu – Henkilöasiakkaat).
- Valjii tubdâttâttâmsiijđost jieijâd paaŋki.
- Valjii tubdâttâttâmvyevi, mon tun kiävtáh, tego heiviittâs tâi čoovdâtubdâldâhkorttâ, já tubdâttât palvâlusân.
- Ko tubdâttâttâm luhostuvá, te tun sirdâšuuh automaatlávt MuuKelan.
Moobiilvisásmittem
Moobiilvisásmittem lii tubdâttâttâmvyehi, mii tuáimá mätkipuhelimáin. Tun puávtáh väldiđ tom anon, jis tust lii mätkipuhelin já tubdâttâtmân hiäivulâš SIM-korttâ. Vääldi moobiilvisásmittem anon neetist, puhelin peht tâi jieijâd operaattor käävpist.
Vääldi huámmášumán, ete moobiilvisásmittem puáhtá mäksiđ. Täärhist hade jieijâd operaattorist (om. Telia, Sonera tâi DNA). Kela ij vääldi kiävtust máávsu. Luuvâ lase moobiilvisásmitmist.
- Valjii kela.fi-siijđo pajeroobdâst saje Čáládât siisâ – Persovnäššigâsah (Kirjaudu – Henkilöasiakkaat).
- Valjii tubdâttâttâmsiijđost mobiilivarmenne (moobiilvisásmittem).
- Adde jieijâd puhelinnummeer.
- Tun finniih puhelinsâd tubdâttâttâmtáttum Kelast. Spokkâl OK. Tuu puhelimân puátá ruuvdu, kuus tun piejah PIN-koodi, mon tun lah adelâm moobiilvisásmitmân.
- Ko tubdâttâttâm luhostuvá, te tun sirdâšuuh automaatlávt MuuKelan.
Persovnkorttâ já aalmuglâšvisásmittem
Persovnkoortâ puáhtá kevttiđ tubdâttâtmân, jis tast lii aalmuglâšvisásmittem já visásmittem lii aktivistum. Persovnkoortâ, mast lii čiegâ, kalga uuccâđ poolisist.
Persovnkoortâ lasseen tun tarbâšah
- tiättur
- koortâlohhee
- koortâlohheeohjelm
- persovnlijd tubdâldâhlovoid.
Luuvâ lase aalmuglâšvisásmitmist (dvv.fi, suomâkielân).
Luuvâ lase