Äʹššeemkääzzkõs MuuKela
Kela aaʹšši håiddmõš neeʹttest lij samai hiâlpp: vuäitak håiddad aaʹššid koʹst da kuäʹss täättak. Ǥu ooʒʒak tuärjjõõzzid da vuõlttääk meâlddõõzzid neeʹttest, tõk liâ tâʹlles kuåsttuum. Vuäinak še, jõs ooccmõõžžâst väilla kook-ne meâlddõõzz leʹbe lââʹssteâđ.
MuuKelast vuäitak
- ooccâd ouddõõzzid
- vuõltteed meâlddõõzzid
- täʹrǩsted tuʹmmstõõǥǥ
- täʹrǩsted mähsspeeiʹv da ouddõõzz meäʹr
- iʹlmmted muttsin
- vuõltteed da lookkâd saaǥǥid.
Täujja kõččum neʹttäʹššummšest
Alggpooddâst sääʹmǩiõllsaž kääzzkõõzzâst vuäitt ooccâd puõccihåidd- da taalkâskoʹrvvõõzzid, säursmâttmõõžž da lääʹmestuärjjõõzzid.
Jõs haaʹlääk tieʹtted, vuäitak-a vuäǯǯad tuärjjõõzz, looǥǥ vuõššân ouddõõzzin da tõi vuâđain. Laʹsǩǩeem-mašinain vuäitak ärvvtõõllâd, vuäitči-a tuʹst leeʹd vuõiggâdvuõtt ouddõʹsse.
Tueʹjjed tõn mâŋŋa ooccmõõžž neeʹttest. Ǥu tiuddääk ooccmõõžž tärkka da vuõlttääk puk meâlddõõzzid seämmavuâra, ooccmõõžž ǩiõttʼtõõllmõš lij jåʹttlab.
MuuKela ouddseeidast vuäinak norrâz ääiʹjpoddsaž aaʹššinad. Ouddseeidast vuäitak täʹrǩsted tuʹnne puättam saaǥǥid da lââʹssteâttraukkmõõžžid di tuʹmmstõõǥǥid da mäʹhssempeeiʹvid. Vuäinak še teâđ, lij-a ooccmõõžž ǩiõttʼtõõllmõš alttuum, da aʹrvvõõzz tõʹst, mõõn kuuʹǩǩ ǩiõttʼtõõllmõš peštt.
Jõs leäk vueʹllâkksa päärna huõlteeʹjj, vuäitak ooccâd MuuKelast päärnžad peäʹlest koid-ne ouddõõzzid da vuõltteed meâlddõõzzid. Jiõk vueiʹt veâl seuʹrrjed ooccmõõžž räʹtǩǩummuž da mähssteâđaid päärnžad peäʹlest.
Nuuʹbb tiuddâkksa peäʹlest jiõk vueiʹt veâl tuejjeed leʹbe vuõltteed ooccmõõžžid MuuKelast. Vuäitak kuuitâǥ seuʹrrjed ooccmõõžž räʹtǩǩummuž da mähssteâđaid nuuʹbb tiuddâkksa peäʹlest.
Looǥǥ lââʹzz