Jõs seerdak Lääʹddjânnma
Tuärjjõõzzi määin lie jeeʹresnallšem tõn mieʹldd, seerdak-a Lääʹddjânnma
- tuâjjliʹžžen leʹbe põõrǥâsneʹǩǩen
- vuõlttuum tuâjjliʹžžen
- piârri vuäzzliʹžžen
- mättʼtõõttjen
- jeältõkneʹǩǩen.
Tuâjjliʹžžen leʹbe põõrǥâsneʹǩǩen Lääʹddjânnma
Vuäitak vuäǯǯad måtmid Kela tuärjjõõzzid, jõs reâuǥak Lääʹddjânnmest. Tuʹst lij vuõiggâdvuõtt Kela tuärjjõõzzid tõin määnpõõʹjin ǥu tuu päʹlǩǩ lij uuʹccmõsân nuʹtt 800 euʹrred.
Jõs reâuǥak Lääʹddjânnmest uuʹccmõsân 6 määnpââʹj, tuʹst lij vuõiggâdvuõtt koid-ne Kela tuärjjõõzzid 3 määnpââʹj ääiʹj mâŋŋa reâuggmõõžž puuttmest.
Jõs tuʹst lij Lääʹddjânnmest dommkåʹdd, vuäǯǯak hååid õõlmâs tiõrvâsvuõtthuâlast. Tuu hååidat tääuʹjmõsân jiijjad vuuʹd tiõrvâsvuõttsâjldõõǥǥâst. Jõs puäđak Lääʹddjânnma reâuggad da tuʹst ij leäkku dommkåʹdd, raauk Kela seʹlvvted, lij-a tuʹst vuõiggâdvuõtt õõlmâs tiõrvâsvuõtthuõllu.
Jõs leäk tuâjjlaž, tuʹst lij še vuõiggâdvuõtt tuâjjtiõrvâsvuõtthuâllu. Vuäǯǯak lââʹssteâđaid jiijjad tuâjjuʹvddjest.
Sosiaalstaansuåppmõšjânnmin siʹrddi tuâjjla
Lääʹddjânnmest lie sosiaalstaan kuõskki suåppmõõžž måtam jânnmivuiʹm.
Jõs puäđak täin jânnmin, tääʹrǩest Kelast, vuäitak-a vuäǯǯad Kela tuärjjõõzzid.
Vuõlttuum tuâjjla
Vuõlttuum tuâjjla lie oummu, koid ålggjânnamneǩ tuâjjuʹvddi lij vuõlttääm tuõjju Lääʹddjânnma.
Seerdak Lääʹddjânnma EU-jânnmest, Etv-jânnmest, Sveiʹccjânnmest leʹbe Jõnn-Britanniast
Jõs puäđak vuõlttuum tuâjjliʹžžen täin jânnmin, kuulak vueʹlǧǧemjânnmad sosiaalstaaʹne.
Seerdak Lääʹddjânnma jânnmest, koin Lääʹddjânnmest lij sosiaalstaansuåppmõš
Jõs puäđak vuõlttuum tuâjjliʹžžen täin jânnmin, tääʹrǩest Kelast, vuäitak-a vuäǯǯad tuärjjõõzzid. Suåppmõõžž lie jeeʹresnallšem jeeʹres jânnmivuiʹm.