Siirdčõõttâmiʹlmmtõs da tuärjjõõzzi ooccâm
Iʹlmmet serddmõõžžâst
Ǥu seerdak Lääʹddjânnma tueʹjjed seʹrddemiʹlmmtõõzz Digi- da meerteâttkonttra (Digi-ja väestötietovirasto, dvv.fi, lääddas) še.
Jõs taarbšak ååreemlååʹv, ooʒʒ tõn Jânnmaseʹrddemkonttrest (Maahanmuuttovirasto, migri.fi, lääddas) juʹn õuʹddel ǥu seerdak Lääʹddjânnma.
Jõs ooʒʒak Kela tuärjjõõzzid leʹbe Kela-koort, iʹlmmet serddmõõžžâst še Kela peälla. Vuäitak tuejjeed tõn neeʹttest leʹbe lomaakkin Y 77.
Iʹlmmet serddmõõžžâst Kela peälla še teʹl, ǥu seerdak meädda Lääʹddjânnmest da vuäǯǯak Kelast tuärjjõõzz leʹbe jeältõõǥǥ.
Nääiʹt ooʒʒak Kela tuärjjõõzzid
Ooʒʒ Kela tuärjjõõzzid da iʹlmmet serddmõõžžâst neeʹttest neettest.
Tääʹrǩest ooccmõõžžâst, mõõkk meâlddõõzz tõʹst âʹlǧǧe leeʹd. Meâlddõõzzid še vuäitt vuõltteed neeʹttest.
Vuäitak ooccâd tuärjjõõzz da iʹlmmted serddmõõžžâst še lomaakkin, koonn vuäǯǯak Kela konttrin da neʹttseeidain.
Kela pååʹštaddrõs lij
Kela
PL 10
00056 KELA.
Vuäitak še håiddad miâlggâd puk Kela-aaʹššääd teʹlfoonâst. Kela kääzzkâstt lääddas, ruõccâs, eŋgglõsǩiõʹlle da säämas.
Vuäǯǯak Kelast tuʹmmstõõǥǥ
Jõs vuäǯǯak leʹbe leäk ooccâm Kelast tuärjjõõzz, vuäǯǯak tuʹmmstõõǥǥ MuuKela sizz. Vuäǯǯak tuʹmmstõõǥǥ päikksad še, jõs jiõk leäkku luõppâm põʹmmaipååʹštest. Tuʹmmstõõǥǥâst iʹlmmtet tuärjjõõzz meäʹr, vuâđ da mäʹhssempeeiʹv. Vuäǯǯak tuʹmmstõõǥǥ teʹl še, jõs tuʹnne ij leäkku miõttum tuärjjõs.
Jõs tuʹst ij leäkku teänab vuõiggâdvuõtt Kela tuärjjõõzzid, jiõk vueiʹt ââʹnned euroopplaž puõccihåiddkoort.
Lââʹssteâđ
Kela meeraikõskksaž aaʹšši kõõskõs (lääddas) oudd teâđ Lääʹddjânnma leʹbe ålggjânnmid siirdčõõttmest.
Teâđ tiõrvâsvuõttkääzzkõõzzi ââʹnnem pirr Lääʹddjânnmest da ålggjânnmin vuäǯǯak neeʹttest (eu-terveydenhoito.fi, lääddas) da neʹttpååʹštin yhteyspiste@kela.fi.
Teâđ Kela tuärjjõõzzi pirr jeeʹres ǩiõlivuiʹm vuäǯǯak neeʹttest (infofinland.fi).
Looǥǥ lââʹzz