Kela tuärjjõõzz reâuǥteʹmes ooumže
Reâuǥteʹmesvuõtt ǩieʹppad puåttjid. Vuäitak vuäǯǯad Kelast teägglaž tuärjjõõzz, jõs tuʹst ij leäkku tuâjjpäiʹǩǩ.
Kela tuärjjõõzz reâuǥteʹmesvuõđ äigga lie
- reâuǥteʹmesvuõttpeiʹvvteäʹǧǧ
- reâuggmarkkântuärjjõs.
Kela mähss reâuǥteʹmesvuõtt-tuärjjõõzzid oummid, kook jälste põõššjen Lääʹddjânnmest. Sij lââʹssen reâuǥteʹmesvuõtt-tuärjjõõzz määuʹset EU-jânnmin puättam oummid, kook lie mââimõssân reâuggam Lääʹddjânnmest.
Tääʹrǩest še, vuäitak-a vuäǯǯad Kela måtam jeeʹres tuärjjõõzzid, ouddmiârkkân jälstemtuärjjõõzz.
Jõs pääʒʒak reâuǥteʹmmen
Jõs pääʒʒak reâuǥteʹmmen, iʹlmmtõõđ tâʹlles reâuǥteʹmes reâuggooccjen dommkååddad reâuǥlažvuõttkääzzkõõzzid (lääddas).
Vuäitak vuäǯǯad reâuǥteʹmesvuõtt-tuärjjõõzz tåʹlǩ ääiʹjest, kuäʹss leäk reâuggooccjen dommkååddad reâuǥlažvuõttkääzzkõõzzin. Reâuǥlažvuõttkääzzkõõzz ouʹdde še Kelaaʹje ciâlkâlm tõʹst, vueiʹtet-a tuʹnne mäʹhssed tuärjjõõzz.
Reâuǥteʹmesvuõttäiʹǧǧen leäk õõlǥtum ooccâd aktiivlânji reâuǥ. Ton õõlǥak še väʹldded vuâstta taʹrjjuum reâuǥ leʹbe škooultõõzz. Tuʹst feʹrttai še väʹldded vuâstta taʹrjjuum reâuǥ leʹbe škooultõõzz. Jõs tõʹst ǩeâlddââtt määintaa, vuäitt mõõnted tuärjjõõzzid.
Muuʹšt tuõʹllʼjed reâuggooccmad viõǥǥâst. Vuäǯǯak tõõzz tääʹrǩab vuäʹppõõzzid reâuǥlažvuõttkääzzkõõzzin.
Nääiʹt äʹššääk reâuǥlažvuõttkääzzkõõzzivuiʹm
Reâuǥteʹmes oummui tuâjjooccâmkääzzkõõzz mottje 1.1.2025. TJ-konttâr poʹtte, da sâjja puäʹtte kooʹddi reâuǥlažvuõttkääzzkõõzz.
Vuäitak õinn håiddad aaʹššääd Työmarkkinatori-seiddõõzzâst (lääddas).
Kaaunak dommkååddad reâuǥlažvuõttkääzzkõõzzi õhttvuõtt-teâđaid addrõõzzâst tyomarkkinatori.fi/aluesivu (lääddas).
Muuttâs-staanteäʹǧǧ pâʹjjel 55-ekksaid
Muuttâs-staanteäʹǧǧ lij tuärjjõs, koon vuäitak vuäǯǯad Kelast leʹbe tuâjteʹmesvuõttkääʹšnest, jõs tuu leät peästtam tuâjstad. Muuttâs-staantieʹǧǧ mieʹrr lij seämma ko nuʹtt õõut määnpââʹj päʹlǩǩ.
Vuäitak vuäǯǯad muuttâs-staantieʹǧǧ, jõs puk täk määin teâuddje:
- Leäk teâuddam 55 eeʹǩǩed.
- Tuu leät peästtam tuâjjpääiʹǩstad puuʹtʼtemnallšem da täälbeällsaž määinai vuâđald.
- Leäk leämmaš tuâjast seämma tuâjjpääiʹǩest uuʹccmõsân 5 eeʹǩǩed.
Jõs kuulak tuâjteʹmesvuõttkäšnna, ooʒʒ muuttâs-staantieʹǧǧ jiõččad tuâjteʹmesvuõttkääʹšnest. Jõs jiõk kuul tuâiteʹmesvuõđkäšnna, ooʒʒ muuttâs-staantieʹǧǧ Kelast.
Reâuǥteʹmesvuõttääiʹj iʹlmmtõs
Jõs reâuǥteʹmesvuõtt juätkkai, ton õõlǥak tååimted Kelaaʹje reâuǥteʹmesvuõttääiʹj kuõskki iʹlmmtõõzz 4 neäʹttel kõõski. Kela mähss tuʹnne tuärjjõõzz iʹlmmtõõzzad vuâđald.
Reâuǥteʹmesvuõttääiʹj iʹlmmtõõzz vuäitak tuejjeed neeʹttest leʹbe lomaakkin, koon vuäitak priʹnttjed Kela neʹttseeidain leʹbe viǯǯâd Kela konttrin.
Mieʹrǩǩed iʹlmmtõʹsse tõid peeiʹvid, ko leäk leämmaž reâuǥtem, da tõid peeiʹvid, ko leäk vuässõõttâm reâuǥ vuäǯǯmõõžž oouʹdeei kääzzkõõzzid.
Jõs leäk reâuǥteʹmesvuõttääiʹj leämmaž aaiʹji mieʹldd reâuǥast, mieʹrǩǩed iʹlmmtõʹsse tõid peeiʹvid, ko leäk leämmaž reâuǥast.