Nääiʹt hååidak tuâjjuʹvddi Kela-aaʹššid
Vuäitak håiddad tuâjjuʹvddi Kela-aaʹššid ouddmiârkkân teʹlfoonâst da neeʹttest.
Teʹlfoonâst
Kela kääzzkâstt tuâjjuʹvddjid ouddmiârkkân teʹlfoonâst.
Jos haaʹlääk håiddad peiʹvvtieʹǧǧid kuulli aaʹššid vuäitak såittad Kela tuâjjuʹvddiliʹnjje nââmra 020 692 241. Tuâjjuʹvddilinjj lij äävai arggpeeiʹvi čiâss 9–15.
Jos äššad kuâskk tuâjjtiõrvâsvuõtthuâl koʹrvvõõzzid, vuäitak såittad nââmra 020 634 4907. Nââmar kääzzkâstt vuõssaarǥi čiâss 12–16 da mââibaarǥâst piâtnca čiâss 9–12.
Tuâjjuʹvddjid jurddum neʹttkääzzkõõzzin
Kelast lie mäŋgg neʹttkääzzkõõzz tuâjjuʹvddjid. Vuäitak håiddad jäänmõõzz tuâjjuʹvddi aaʹššin Tuâjjuʹvddi äʹššeemkääzzkõõzzâst da Tuâjjtiõrvâsvuõtthuâl koʹrvvõõzzi äʹššeemkääzzkõõzzâst.
Tuâjjuʹvddi äʹššeemkääzzkõs
Tuâjjuʹvddi äʹššeemkääzzkõõzzâst vuäitak ouddmiârkkân
- ooccâd peiʹvvtieʹǧǧid da puärrsiluõvâsvuõʹtte kuulli koʹrvvõõzzid tuâjjuʹvddja
- taʹrǩsted mähssteâđaid
- tuõʹllʼjed tuâjjuʹvddi õhttvuõtt- da tiillteâđaid.
Looǥǥ lââʹzz tuâjjuʹvddi äʹššeemkääzzkõõzz pirr (lääddas).
Tuâjjtiõrvâsvuõtthuâl koʹrvvõõzzi äʹššeemkääzzkõs
Tuâjjtiõrvâsvuõtthuâl koʹrvvõõzzi äʹššeemkääzzkõõzzâst vuäitak
- ooccâd koʹrvvõõzz tuâjjuʹvddi tuâjjtiõrvâsvuõtthuâl koolain
- vueiʹnned ääiʹjben vuõlttuum neʹttooccmõõžžid da ǩiõttʼtõõllâm vueʹlnn åårrai ooccmõõžž ǩiõttõõllâmvueʹjj
- vueiʹnned koʹrvvõstuʹmmstõõǥǥid.
Looǥǥ lââʹzz tuâjjtiõrvâsvuõtthuâl koʹrvvõõzzi äʹššeemkääzzkõõzzâst pirr (lääddas).
Ǩii vuäitt håiddad neeʹttest põrggâz aaʹššid?
Jos leäk põrggâz tååimtõsjååʹđteei, vuäitak håiddad tuâjjuʹvddi aaʹššid neeʹttest jiõčč. Jos ouddmiârkkân päʹlǩǩlaʹsǩǩummšad håidd tiillkoontâr, ton õõlǥak uʹvdded tiillkonttra suomi.fi-väʹlddõõzzid ââʹnned äʹššeemkääzzkõõzzid põrggsad beäʹlest.
Looǥǥ lââʹzz tuâjjuʹvddji Kela-äʹššeem väʹlddummši pirr (lääddas).