Puäʹđ jeällõččâd
Vuäitak äʹššeed koon täättak Kela jiiʹjjes kääzzkõspääiʹǩest leʹbe kååʹdd äʹššeempääiʹǩest.
Måtmin kääzzkõspaaiʹǩin vuäitt äʹššeed tåʹlǩ äiʹǧǧvaʹrrjummšin. Vuäitak vaʹrrjed ääiʹj sååiteeʹl mij teʹlfonkääzzkõʹsse. Tåʹlǩ tiõttum Kela kääzzkõspäikka ij vueiʹt såittad. Jõs haaʹlääk vuäʹpstummuž teʹlfoon mieʹldd, sååit mij teʹlfoonkääzzkõʹsse.
Ǥu äʹššääk Kela kääzzkõspääiʹǩest, vääʹld mieʹldd persoontuõđštõõzz, mâʹte vuejjamkoort leʹbe paass. Jõs hååidak nuuʹbb oummu ääʹšš, taarbšak jeeʹrab väʹlddǩeeʹrj da jiijjad persoontuõđštõõzz.
Ooʒʒ kääzzkõs- da äʹššeempaaiʹǩid
Vuäitak håiddad Kela-aaʹššääd Kela jiiʹjjes kääzzkõspaaiʹǩin leʹbe kååʹdd äʹššeempaaiʹǩin. Vuäitak vuäǯǯad Kela tuâjjlain vieʹǩǩ še ougglõsõhttvuõđin tääuʹjmõs äʹššeempaaiʹǩin da Kela kuõiʹmi sõõʹjin. Ǩiõčč ougglõskääzzkõspaaiʹǩi teâđaid Suomi.fi-karttkääzzkõõzzâst (lääddas).
Ooʒʒ kääzzkõs- da äʹššeempaaiʹǩid kååʹdd nõõmin, kääzzkõs- leʹbe äʹššeempääiʹǩ nõõmin leʹbe pååʹštnââmrin. Ooccmõš toiʹmmai lääddas, ruõccâs leʹbe eŋgglõsǩiõʹlle.
Sääʹmvuuʹd kääzzkõs- da äʹššeempääiʹǩ
Aanar kääzzkõspäiʹǩǩ Âʹvvlest lij äävai seärdi čiâss 10–12. Lââʹssen vuäitak äʹššeed kooʹddi äʹššeempaaiʹǩin Uccjooǥǥâst da Jeänõõǥǥ Hettast.
Jõs taarbšak tuʹlǩǩummuž, vääʹld õhttvuõđ Kelaaʹje. Kääzzkâʹsttemäʹšštobddi vaʹrrai tuʹnne taarb mieʹldd jeällõččâmääiʹj da tuulk äʹššummuž vääras.
Ooʒʒ kääzzkâʹsttempaaiʹǩid
Kaaunak kääzzkâʹsttempaaiʹǩi da äʹššeempaaiʹǩi õhttvuõtt-teâđaid da äävaiåårramaaiʹjid kääzzkâʹsttempääiʹǩ ooccmin (lääddas).
Virtu-kääzzkâʹsttempääiʹǩ
Virtu-kääzzkâʹsttempääiʹǩest (Virtu.fi, lääddas) vuäitak ââʹnned neʹttkääzzkõõzzid di priʹnttjed, kopiâʹstted da skaʹnnʼjed äʹššǩiiʹrjid määustää. Virtu-kääzzkâʹsttempääiʹǩest vuäǯǯak še hieʹlǩeld õhttvuõđ Kela ougglõskääzzkõʹsse.