Maht sosiaaltorvo sojá sämikieláid? Uáppáásm sämikielâlijd kela.fi-sijđoid já västid macâttâskoijâdâlmân
Kela sämikielâliih nettisiijđoh fäälih tiäđu Kela hiäđuin já palvâlusâin kuulmâ sämikielân. Macâttâskoijâdâlmist tun puávtáh muštâliđ jieijâd uáivil siijđoin já išediđ mii ovdediđ tom.
Kela almostitij sämikielâlijd nettisiijđoid iivij 2019–2020. Nettisiijđoin láá vuáđutiäđuh Kela hiäđuin já palvâlusâin tavesämikielân, anarâškielân já nuorttâlâškielân. Siijđoin muštâluvvoo meid Kela sämikielâlâš äššigâspalvâlmist, já tobbeen láá meid Kela almostittem sämikielâliih luámáttuvah. Siijđoin almostittojeh meid sämikielâliih tiäđáttâsah.
Sämikielâliih siijđoh ovdeduvvojeh uássin maaŋgâkielâlii kela.fi-siijđoid. Siijđoh peividuvvojeh jyehi ive.
Kela lii almostittám sämikielâlijn siijđoin koijâdâllâm, mon vievâst tot norá macâttâs siijđoin. Koijâdâlmân tuáivuh iävtuttâsâid tast, maht siijđoid kolgâččii pyerediđ puátteevuođâst.
– Mij Kelast lep perustum tast, maht mij lep luhostum muštâliđ Kela-aašijn sämikielân, muštâl viestâdem äššitobdee Arja Jomppanen.
Jomppanen tuáivu, ete sämikielâliih äššigâsah algâttiččii Kela hiäđoid já palvâlussáid uápásmem sämikielâlijn siijđoin. Távjá uánihis vuáđutiäđuh láá tuárvi, vâi äššigâs finnee jieijâs ääši joton. Táárbu mield lasetiäđuid finnee Kela äššigâspalvâlusâst tâi suomâkielâlijn nettisiijđoin.
Sämikielâliih siijđoh tuárjuh sämikielâlij Kela-ášástâllâm
Sämikielâliih siijđoh tuárjuh sämikielâlij jieijâskielâlii ášástâllâm falâmáin Kela-sánáduv sehe Kela äššitobdei já äššigâsâi já Kela kuoimij kiävtun. Sämikielâlâš Kela-sánádâh ovdán tađe mield, ko uđđâ siskáldâsah almostittojeh.
Kela parga sämikielâi jurgâlemaašijn oovtâstpargo sämitige sämikielâ toimâttuvváin. Návt visásmittoo sánáduv oovtlágánvuotâ sierâ ohtâvuođâin nettisiijđoin kidâ äššigâspalvâlmân já luámáttuvváid.
Sämikielâliih siijđoh láá Kela válduášálâš sämikielâlii viestâdem kanava. Siijđoin lijjii ive 2024 suulân 6 000 kuállejeijed. Kuállejeijeemeeri lasanij 12 % oovdeb ive háárán.
Kela sämikielâliih palvâlusah vuáđuduveh säämi kielâlaahân. Sämikielâlii palvâlem já viestâdem ovdedem ulmen lii visásmittiđ, ete sämikielâlij äššigâsâi kielâliih vuoigâdvuođah já oovtviärdásâšvuotâ olášuveh Kela palvâlusâin.
Västid koijâdâlmân já iššeed mii pyerediđ siijđoid
Kela lii lekkâm sämikielâlijn siijđoin koijâdâllâm, moin tot norá macâttâs siijđoin. Macâttâs vievâst Kela pyereed siijđoid ovdiist pyerebin. Koijâdâllâm lii áávus 12.3.–30.4.2025. Koijâdâlmân puáhtá västidiđ tavesämikielân, anarâškielân, nuorttâlâškielân já suomâkielân.
Uáppáásm sämikielâláid nettisijđoid já västid macâttâskoijâdâlmân.