Návt Kela palvâl káidusohtâvuođâ peht
Káiduspalvâlusâst Kela palvâlusäššitobdee rävvee tuu koveohtâvuođâ peht. Palvâlusâst lii ävkki eromâšávt talle, ko tun tarbâšah vijđásub ravvim Kela-aašijn.
Káiduspalvâlusâst tun finniih Kela palvâlusäššitobdest ravvim videosuáitu peht. Palvâlem västid tom palvâlem, mon finnee Kela palvâlemsaajeest. Tot lii vuosâsaajeest uáivildum äššigâssáid, kiäh tarbâšeh persovnlii ravvim Kela-aašijn njunáluvâi.
Tun puávtáh kevttiđ káiduspalvâlus haalijddijnâd meid koveohtâvuođâttáá. Palvâlusâst lii meid chatmáhđulâšvuotâ.
Kela káiduspalvâlus lii tääl finnimnáál suomâkielân já nuorttâlâškielân. Kela fáálá káiduspalvâlus
-
suomâkielân argâpeeivij tme 9–15
-
nuorttâlâškielân ohtii ohhoost tuorâstuvâi tme 9–11.
Kela suomâkielâlii káiduspalvâlus liŋkkâ kávnoo lapha.fi digipalvâlusâin valjiittuvâst (Kelan etätapaaminen, suomâkielân). Suomâkielâlâš palvâlus lii uáivildum Laapi kieldâi ässeid.
Sämikielâlâš káiduspalvâlus lii uáivildum sämikielâláid äššigâssáid aassâmsaajeest peerusthánnáá.
Távjá koijâdum káiduspalvâlusâst
Tun puávtáh hoittáđ káiduspalvâlusâst siämmáid aašijd ko Kela palvâlemsaajeest. Tun puávtáh meid finniđ ravvim já torjuu Kela nettiášástâllâmpalvâlus kiävtust.
Ääigi ij taarbâš väridiđ, mutâ ášástâllâmvuáru tun kenski koolgah váhá vyerdiđ.
Suomâkielâlâš káiduspalvâlus lii áávus argâpeeivij tme 9-15.
Nuorttâlâškielâlâš palvâlus lii áávus tme 9-11.
Kela tavesämikielâlâš káiduspalvâlus lii tuáistáážân kiddâ. Jis tun halijdah palvâlem tavesämikielân, te kyeđe ohtâvuođâväldimtáttum čujottâsân saame@kela.fi.
Vääldi fáárun persovntuođâštus já tárbulijd tiäđuid tâi äššikiirjijd.
Tun finniih táárbu mield iše ohtâvuođâ lekkâmist já looppâtmist.
Ohtâvuotâ lekkâs automaatlávt Kela palvâlusäššitobdei, kote lii vuossâmužžân rijjâ. Ráhtádât toos, ete ohtâvuođâ finnim sáttá pišteđ váhá ääigi.
Tun tarbâšah palvâlus kevttimân
- tablet, fiättupuhelin tâi tiättur, mast lii kamera já piäljáseh tâi piäljásij sajan mikrofon já škajâneh
- laađđâmohjelm, mii lii peividum uđđâsumos version, kelijdeijee nettiohtâvuođâ
- tuárvi jotelis já stäđis internet-ohtâvuođâ, vâi videokove uáinoo.
Jis tust láá vädisvuođah ohtâvuođâ finniimist, te vääldi táárbu mield ohtâvuođâ Kela äššigâstorjui puh. 020 634 7787 vu–vá tme 7–17 (suomâkielân) tâi saame@kela.fi (sämikielân).