Artihkkal
Ná don fápmudahtát nuppi olbmo dikšut áššiidat váldegirjjiin
Almmustahtton 12.8.2024
Váldegirjjiin don sáhtát fápmudahttit nuppi olbmo dikšut Kela-áššiidat telefovnnas, bálvalanbáikkis ja reivviin. Fápmudeapmái laktáseaddji detáljaid ádden sáhttá leat váttis giellamuvrra dihte dahje vaikko danin, ahte iežas kultuvrras ii leat fápmudeapmi. Jos fápmudeami ii ádde, sáhttá áššehasa vuoigatvuođadorvu dorvvohuvvat.
Dán fápmudeapmi oaivvilda ja ná fápmudat nuppi olbmo dikšut áššiidat
- Kela-áššiid ii leat bággu dikšut ieš, muhto jos lea dárbu gii nu eará sáhttá dikšut daid du beales. Dan várás ferte bargat váldegirjji (VAL 3). Deavdde váldegirjji čuoggái okta iežat dieđuid.
- Sáhtát ieš válljet, geasa attát váldegirjji. Son ferte goittotge leat unnimustá 18-jahkásaš. Olbmo, gii dikšu áššiid nuppi bealis váldegirjjiin, gohčoduvvo fápmuduvvon olmmožin.
- Mearridat ieš, maid áššiid fápmuduvvon olmmoš sáhttá dikšut. Sáhtát addit sutnje lobi dikšut buot áššiidat dahje dušše ovtta ášši. Son sáhttá ovdamearkka dihte ohcat ovddu dahje almmuhit nuppástusain. Son sáhttá maiddái oažžut barggus dikšuma várás čiegusin dollojuvvon dieđuidat, dego dieđuid ovdduidat birra, ekonomalaš dilistat dahje dearvvašvuođadilistat.
- Nuppi olbmo beales sáhttá dikšut áššiid telefovnnas, bálvalanbáikkis dahje reivviin.
- Jos háliidat, ahte fápmuduvvon olmmoš dikšu du bealis dušše ovtta ovdui laktáseaddji áššiid, čále váldegirjái gažaldatvuloš ovddu nama, ovdamearkka dihte ássandoarjja.
- Fuom.! MuKelas áššiiddikšuma várás áššehas galgá addit nuppi olbmui Suomi.fi fápmudusa, man namma lea Sosiáladorvvu ovdoáššiid dikšun (Sosiaaliturvan etuusasioiden hoitaminen). Loga lasi nuppi beales áššiiddikšumis MuKelas.
- Mearridat ieš maiddái dan, man guhká váldegirji lea fámus. Dat lea fámus juogo doaisttážii dahje dihto beaivemeari rádjai. Sáhtát goas beare rievdadit váldegirjji fámus leahkima dahje šluhttet fápmudeami man leat addán almmuhemiin Kelai. Du ii dárbbaš muitalit siva šluhttemii.
- Vuolláičállosat váldegirjjis sihkkarastá ahte leat ieš addán fápmudusa.
Váldegirjji addin sáhtát doaimmahit váldegirjji MuKelas, poastta mielde dahje bálvalančuoggái. Fápmuduvvon olmmoš sáhttá doaimmahit váldegirjji poastta mielde dahje bálvalančuoggái.
Ráva váldegirjeskovi deavdimii sierra gielaiguin
- Davvisámegillii: Nuppi beales áššiid dikšun – Ráva váldegirjeskovi deavdimii (pdf)
- Anárašgillii: Nube peeleest ášástâllâm – Raavâ väldikirjeluámáttuv tevdimân (pdf)
- Nuortalašgillii: Nuuʹbb oummu peäʹlest äʹššummuž – Vuäʹpstõs väʹlddǩeʹrjjlomaakk teâuddmõʹšše (pdf)
- Suomagillii: Toisen puolesta asiointi – Ohje valtakirjalomakkeen täyttämiseen (pdf)
- Ruoŧagillii: Sköta ärenden för en annan person – Anvisningar om hur fullmaktsblanketten ska fyllas i (pdf)