Ná Kela bálvala gáiddusoktavuođa bokte
Gáiddusbálvalusas Kela bálvalanáššedovdi rávve du govvaoktavuođa bokte. Bálvalusas lea ávki eandalii dalle, go dárbbašat vuđolut rávvema Kela-áššiin.
Gáiddusbálvalusas Kela bálvalanáššedovdi rávve du govvaoktavuođa bokte. Bálvalusas lea ávki eandalii dalle, go dárbbašat vuđolut rávvema Kela-áššiin.
Gáiddusbálvalusas Kela bálvalanáššedovdi rávve du videooktavuođa bokte. Bálvalus vástida bálvaleami, maid oažžu Kela bálvalanbáikkis. Dat lea ovdasajis dárkkuhuvvon áššehasaide, geat dárbbašit persovnnalaš rávvema Kela áššiin njunnálagaid.
Sáhtát geavahit gáiddusbálvalusa, jos háliidat, maiddái almmá govvaoktavuođa haga. Bálvalusas lea maiddái chatmáŧolašvuohta.
Gáiddusbálvalus lea dál oažžunláhkái suomagillii ja nuortalašgillii. Kela fállá gáiddusbálvalusa
- suomagillii árggaid dmu 9–15
- nuortalašgillii oktii vahkus duorastagaid dmu 9–11.
Kela suomagielat gáiddusbálvalusa liŋka gávdno lapha.fi digibálvalusaid fálus (Kelan etätapaaminen, suomagillii). Suomagielat bálvalus lea dárkkuhuvvon Lappi gielddaid ássiide.
Sámegielat gáiddusbálvalus lea dárkkuhuvvon sámegielat áššehasaide nu, ahte dan geavaheapmi ii leat čadnon ássanbáikái.
Dávjá jerrojuvvon áššit gáiddusbálvalusas
Sáhtát dikšut gáiddusbálvalusas seamma áššiid go Kela bálvalanbáikkis. Sáhtát maiddái oažžut rávvema ja doarjaga Kela neahttaáššiiddikšunbálvalusa geavaheamis.
Áiggi ii dárbbaš várret, muhto áššiiddikšunvuoru sáhtát gártat vehá áigge vuordit.
Suomagielat gáiddusbálvalus lea rabas árggaid dmu 9–15.
Nuortalašgielat bálvalus lea rabas duorastagaid dmu 9–11.
Kela davvisámegielat gáiddusbálvalus lea doaisttážii gitta. Jos háliidat bálvalusa davvisámegillii, guođe oktavuođaváldinbivdaga čujuhussii saame@kela.fi.
Váldde fárrui persovdnaduođaštusa ja dárbbašlaš dieđuid dahje áššebáhpáriid.
Don oaččut dárbbu mielde veahki oktavuođa rahpamis ja gitta bidjamis.
Oktavuohta rahpasa automáhtalaččat Kela áššedovdái, gii vuosttasin luovvana friijan. Ráhkkan dasa, ahte oktavuođa oažžun sáhttá bistit vehá áigge.
Don dárbbašat bálvalusa geavaheapmái
- tableahta, fiehttotelefovnna dahje dihtora, mas leat kámera ja belljosat dahje belljosiid sajis mikrofovdna ja skájanasat
- bláđenprográmma, mii lea beaividuvvon ođđaseamos veršuvdnii
- doarvái jođánis ja luohtehahtti internet-oktavuođa, vai videogovva oidno.
Jos dus leat váttisvuođat oktavuođa oažžumis, váldde dárbbu mielde oktavuođa Kela áššehasdoarjagii tel. 020 634 7787 vu–be dmu 7–17 (suomagillii) dahje saame@kela.fi (sámegillii).