Mo boađut váikkuhit oahppodoarjagii?

Dus sáhttet leat boađut seamma áigge, go loktet oahppodoarjaga. Boađuide lea goittotge rádjá, mii gohčoduvvo jahkedienasrádján. Jos oaččut jagi áigge eanet boađuid, boađut váikkuhit du oahppodoarjaga mearrái.

Sáhtát oažžut boađuid goas nu kaleanddarjagi áigge. Oahppodoarjja ja ássandoarjja eai rehkenasto boahtun.

Jos álggahat oahpuid dahje gearggat skuvllas gaskan jagi, sáhtát oažžut boađuid friddja ovdal oahpuid álggu ja daid nohkama maŋŋá. Čuovo goittotge boahtorájáid oahppománotbajiid áigge. Fuolat das, ahte du boađut stuđerenáiggis leat eanemustá 1 040 euro mánotbajis doarjjamánotbaji nammii ja 3 120 euro mánotbajis dakkár mánotbaji nammii, goas it leat ožžon oahppodoarjaga.

Kela sáhttá bivdit du čilget, goas leat ožžon boađuid.

Jos gaskkalduhtát oahpuid gaskan jagi, de boađut váldojuvvojit vuhtii oppa jagis.

Loga lasi das, mo boađut váikkuhit du oahppodoarjagii (suomagillii).

Jos boađut mannet jahkeboahtorájá badjel

Galggat ieš fuolahit das, ahte boađut eai mana badjel jahkeboahtorájá. Jos boađut mannet badjel jahkeboahtorájá, de Kela bearrá ruovttoluotta liiggás máksojuvvon oahppodoarjaga. Berrojuvvon submái lasihuvvo 7,5 proseantta bajádus.

Jos fuomášat, ahte du boađut mannet badjel boahtorájá, de sáhtát bargat čuovvovaččat:

• Oza oahppodoarjaga dušše dihto oahppománotbajiide.
• Almmut Kelai, ahte it váldde oahppodoarjaga dihto mánotbajiin.
• áhcat Kelai oahppodoarjaga iežat válljen mánotbajiin.

Máhcat badjelmearálaš oahppodoarjagiid čuovvovaš jagi cuoŋománu loahpa rádjái.

Sáhtát ieš árvvoštallat rehkenastiin, man olu boađut dus sáhttet leat oahppodoarjaga lassin (suomagillii).

Sáhtát ieš dárkkistit iežat boahtorájá ja dahkat nuppástusaid oahppodoarjagii neahtas.