Vuâlla 3-âkksaž päärnast mäʹhssemvuâlaž päärnažlââʹss šorran
Vuâlla 3-âkksaž päärnast mäʹhssemvuâlaž päärnažlââʹss lij pââʹjuum 26 eeuʹrin määnpââʹjest. Pââʹjuum päärnažlââʹzz määuʹset vuõssmõs vuâra njuhččmannu päärnažlââʹzzest. Kela tueʹjjad pââʹjummuž automaattlânji, nääiʹt äʹššneeʹǩǩest ij taarbâž iʹlmmted jeeʹrab.
Eeʹttiǩ-kåʹdd lij tuʹmmjam, što vuâlla 3-âkksaž päärnast vuäǯǯ 26 euʹrred jäänab päärnažlââʹzz 1.4.2024 ääʹljeeʹl. Pââʹjuum päärnažlââʹzz määuʹset vuõssmõs vuâra njuhččmannu päärnažlââʹzzest, tõn mäʹhssempeiʹvv lij 26.4.2024.
Õõut vuâlla 3-âkksaž päärnast mäʹhssemvuâlaž päärnažlââʹzz mieʹrr lij juätkast 120,88 euʹrred. Jõs piâr vuäǯǯ päärnažlââʹzz määŋgast vuâlla 3-âkksaž päärnast, päärnažlââʹzz mieʹrr lij nuuʹbbest päärnast 130,84 euʹrred, kuälmad 159,79 euʹrred, neelljad päärnast 199,24 euʹrred da juõʹǩǩ puõʹtti päärnast 218,69 euʹrred määnpââʹjest. Kela tueʹjjad pââʹjummšid päärnažlõõʹzzid automaattlânji, nääiʹt äʹššneeʹǩǩest ij taarbâž iʹlmmted jeeʹrab.
Päärnažlââʹss määuʹset puõʹtti määnpââʹj aalǥâst tõʹst, ǥu päärnaž lij šõddâm. Päärnažlââʹss määuʹset juõʹǩǩ määnpââʹj 26. peiʹvven. Jõs 26. peiʹvv lij sueʹvet, pâʹsspeiʹvv, vuõssargg leʹbe arggpââʹss, päärnažlââʹss määuʹset oouʹdab baŋkkpeiʹvven. Pââʹjuum päärnažlââʹzz määuʹset tõn määnpââʹj loʹppe, ǥu päärnaž teâudd 3 eeʹjj.
Päärnažlââʹzz muttâz jiâ kuõsk Ålaandâst mäʹhssemvuâlaž päärnažlõõʹzzid. Ålaandâst päärnažlââʹzz meäʹrin tuʹmmai Ålaand mäddkåʹddhalltõs.
Päärnažlõõʹzzid lie tueʹjjuum še jeeʹres pââʹjummuž, kook šõʹdde viõʹǩǩe eeʹjj aalǥâst.
Looǥǥ lââʹzz