Eʹjjpeiʹvvpââʹzz seʹrdde Kela kääzzkõõzzi da määusai äiʹǧǧtaaulid

Eʹjjpeiʹvvpââʹzz ääʹjee reâuǥteʹmesvuõttääiʹj iʹlmmtempeeiʹvid da  reâuǥteʹmesvuõtt-tuärjjõõzz mäʹhssempeeiʹvid. Piʹrǧǧeemtuärjjõs ǩiõrggan baŋkktiil õõl õuʹddel eʹjjpeiʹvvpõõʹzzi, jos ooccmõš da meâlddõõzz lie tooimtum mââimõõzzâst 4.4.2025. Strääšnainelljdpeeiʹv Kela kääzzkâstt äʹššniiʹǩǩid čiâss 13 räjja, da piʹrǧǧeemtuärjjõõzz peeiʹvstummuš lij äävai čiâss 16 räjja.

Eʹjjpeiʹvvpââʹzz ääʹjee reâuǥteʹmesvuõttääiʹj iʹlmmtempeeiʹvid da reâuǥteʹmesvuõtt-tuärjjõõzz mäʹhssempeeiʹvid.

Jõs reâuǥteʹmesvuõttääiʹj iʹlmmtem pââʹjj poott 15.–16.4.2025 

• iʹlmmtõõzz vuäitt maaccted 15.4.2025
• tieʹǧǧ lie tiil âʹlnn ääiʹjmõsân 17.4.2025.

Jõs reâuǥteʹmesvuõttääiʹj iʹlmmtem pââʹjj poott 17.4.2025

• iʹlmmtõõzz vuäitt maaccted 16.4.2025
• tieʹǧǧ lie tiil âʹlnn ääiʹjmõsân 22.4.2025.

Jõs reâuǥteʹmesvuõttääiʹj iʹlmmtem pââʹjj poott 18.–20.4.2025

• iʹlmmtõõzz vuäitt maaccted 17.4.2025
• tieʹǧǧ lie tiil âʹlnn ääiʹjmõsân 23.4.2025.

Iʹlmmtõõzz kaʹnnat tooiʹmted MuuKelast juʹn maacctempeeiʹv tueʹlää, što tõn ǩiõrggnet ǩiõttʼtõõllâd sõõrǥmõõzz mieʹldd.

Eʹjjpeiʹvvpõõʹzzi vaaiktõs piʹrǧǧeemtuärjjõõzz ooccma

Piʹrǧǧeemtuärjjõõzz mââimõs mäʹhssempeiʹvv õuʹddel eʹjjpeiʹvvpõõʹzzi lij nelljdpeeiʹv 17.4.2025. Tuärjjõs ǩiõrggan teʹl baŋkktiil õõl, jos ooccmõš da puk taarbšum meâlddõõzz lie tooimtum Kela årra mââimõsân 4.4.2025.

Strääšnainelljdpeeiʹv Kelast lij peeiʹvstummuš ǩirrsallaš piʹrǧǧeemtuärjjõõzz taarbšeeʹjid teʹlfoonkääzzkõõzzin da måttmin kääzzkõspaaiʹǩin čiâss 16 räjja. Ǩirrsallaš äʹšš vuäitt leeʹd ouddmiârkkân tõt, što äʹššneǩ taarbaš akuuttân mähssčõnnõõttmõõžž talkksi leʹbe porrmõõžži vääras.

Jos äʹššneǩ taarbaš piʹrǧǧeemtuärjjõõzz ǩirrsallânji Kela äävaiåårramaaiʹji åålǥbeäʹlnn, kåʹdd vuäitt tuʹmmjõõzzâs mieʹldd miõttâd cõggi piʹrǧǧeemtuärjjõõzz. Akutt kriisvueʹjjest põõʹzzi ääiʹj äʹššneǩ vuäitt leeʹd õhttvuõđâst pueʹrrvââjjamvuuʹdes sosiaalpeeiʹvstummša.

Äʹššneǩ-kääzzkõõzz eʹjjpeiʹvvpõõʹzzi äävaiåårramääiʹj

Kela teʹlfonkääzzkõs lij strääšnainelljdpeeiʹv 17.4.2025 äävai čiâss 9–13, leša piʹrǧǧeemtuärjjõõzz kääzzkõsnââmra 020 692 207 vuäitt ǩirrsallaš vuõʹjjin såittad čiâss 16 räjja. Kaaunak Kela kääzzkõsnââmrid neeʹttest addrõõzzâst www.kela.fi/soita-kelaan (lääddas).

Nuõrttsääʹmǩiõllsaž teʹlfonkääzzkõs lij ǩidd strääšnainelljdpeeiʹv. Nuõrttsääʹmǩiõllsaž teʹlfoon- da ougglõskääzzkõs kääzzkâstt takainalla nelljdpeeiʹvi čiâss 9–11. Vuäǯǯak kääzzkõʹsse õhttvuõđ še jeeʹres aaiʹji vuõltteeʹl õhttvuõttväʹlddemraukkmõõžž addrõʹsse saame@kela.fi.

Kelan teʹlfonkääzzkõʹsse vuäitt ååʹn tobddõõttâd sizz õuddǩiõʹtte MuuKela pääiʹǩ. Tobddõõttmõš jooudat äʹššummuž, ǥu Kela äʹšštobddi vuäinn äʹššneǩteâđaid tâʹlles juʹn teʹlfonsoittu vaʹstteem ääiʹj. Kelaaʹje vuäitt såittad še tobddõõttâmtaa, kuäʹss äʹššneeʹǩǩ tobdstet teʹlfonsååitast jeeʹresnalla.

Strääšnainelljdpeiʹvv vaaikat še äävai åårrai kääzzkõspaaiʹǩi äävaiåårrma. Äävai åårrai kääzzkõspääiʹǩ mâʹnne ǩidd mââimõõzzâst čiâss 13, leša måtam peeiʹvste ǩirrsallaš piʹrǧǧeemtuärjjõõzz taarbšeeʹjid čiâss 16 räjja. Ǩirrsallaš piʹrǧǧeemtuärjjõõzz diõtt peeiʹvste täk kääzzkõspääiʹǩ:

• Heʹlssen/Kamppi
• Hämeenlinna
• Joensuu
• Jyväskylä
• Kajaani
• Kokkola
• Kotka
• Kuopio
• Lahti
• Lappeenranta
• Oulu
• Pori
• Ruäʹvnjargg
• Seinäjoki
• Tampere
• Turku
• Vaasa.

Taaʹrǩest kääzzkõspaaiʹǩi addrõõzzid kääzzkõspäiʹǩǩooccmest addrõõzzâst www.kela.fi/palvelupisteen-haku (lääddas).

Kela teʹlfoonkääzzkõs da kääzzkõspääiʹǩ lie ǩidd

• strääšnaipiâtnâc 18.4.2025
• sueʹvet 19.4.2025
• eʹjjpeeiʹv 20.4.2025
• jieʹnnpeeiʹv 21.4.2025.

Kela persoonäʹššniiʹǩǩid jurddum äʹššeemkääzzkõõzzâst leʹbe MuuKelast vuäitt ooccâd ouddõõzzid, vuõltteed meâlddõõzzid da iʹlmmted muttsin juõʹǩǩ peeiʹv koonn poodd peeiʹvest tätt. MuuKelast vuäitt še taʹrǩsted jiiʹjjes ooccmõõžž vueʹjj da ouddõõzzi mäʹhssempeeiʹvid. MuuKela sizz ǩeeʹrjtõõđât neʹttbaŋkktiõttivuiʹm, mobiilstaanõõǥǥin leʹbe staanõk-koortin.

Vuäʹpstõõzzid Kela-aaʹššid vuäitt še kõõččâd čäʹttroboottâst, kååʹtt vieʹǩǩat kela.fi-seeidain suutk pirr. Čäʹttroboottâst vuäǯǯ ǩiõrggânji da aʹlǩǩânji vieʹǩǩ juõʹǩǩ tuärjjõsooccâm poodd lääddas da ruõccâs. Čäʹttrobott vieʹǩǩat še MuuKelast puärrsipeiʹvvtieʹǧǧ leʹbe piʹrǧǧeemtuärjjõõzz ooccjid.

Eʹjjpeiʹvvpõõzzi čårrneei ääiʹj õhttsažtuâjjkuõiʹmid

Strääšnainelljdpeeiʹv 17.4.2025 Kela kääzzkâstt õhttsažtuâjjkuõiʹmeez čiâss 13 räjja. Dåhttarlinnj lij kuuitâǥ strääšnainelljdpeeiʹv ǩidd. Piʹrǧǧeemtuärjjõõzz kuõiʹmid kääzzkââʹstet strääšnainelljdpeeiʹv čiâss 9–12 da ǩirrsallaš piʹrǧǧeemtuärjjõõzz äʹššniiʹǩǩi vuõʹjjin čiâss 16 räjja.

Puk kääzzkõsnââmar kuõiʹmid lie 18.4.–21.4.2025.