Nääiʹt Kela kääzzkâstt ougglõsõhttvuõđin
Ougglõskääzzkõõzzâst Kela kääzzkõsäʹšštobddi vuäʹppast tuu video-õhttvuõđin. Kääzzkõõzzâst lij äuʹǩǩ aainâs teʹl, ǥu taarbšak veiddsab vuäʹpstummuž Kela-aaʹššin.
Ougglõskääzzkõõzzâst vuäǯǯak Kela kääzzkõsäʹšštobddi vuäʹpstõõzz videosååitain. Kääzzkõs vaʹsttad seämma ǥu vuäǯǯak Kela kääzzkõspaaiʹǩin. Tõt lij vuõss-sââʹjest jurddum äʹššniiʹǩǩid, kookk taarbše muâttšeeʹli vuäʹpstummuž Kela-aaʹššin.
Vuäitak ââʹnned ougglõskääzzkõõzz haaʹleemad mieʹldd še koovvõhttvuõđtaa. Kääzzkõõzzâst lij še čäʹttvueiʹttemvuõtt.
Kela taʹrjjad ougglõskääzzkõõzz
- lääddas arggpeeiʹvi čiâss 915
- nuõrttsääʹmǩiõlle õʹhttešt neäʹttlest nelljdpeeiʹvi čiâss 9–11.
Kela lääʹddǩiõllsa ougglõskääzzkõõzz liŋkk käunnai lapha.fi digikääzzkõõzzi vaʹljstõõǥǥâst (Kelan etätapaaminen, lääddas). Lääʹddǩiõllsaž kääzzkõs lij jurddum Lappi kooʹddi jälsteeʹjid.
Kela sääʹmǩiõllsa ougglõskääzzkõõzz liŋkk käunnai Kela sääʹmǩiõllsain seeidain. Sääʹmǩiõllsaž ougglõskääzzkõs lij jurddum sääʹmǩiõllsaid äʹššniiʹǩǩid jälstempääiʹǩest huõlǩani.
Täujja kõččum ougglõskääzzkõõzz pirr
Vuäitak håiddad ougglõskääzzkõõzzâst seämma aaʹššid ǥu Kela kääzzkõspääiʹǩest. Vuäitak še vuäǯǯad vuäʹpstummuž da tuärj Kela neʹttäʹššeemkääzzkõõzz ââʹnnma.
Ääiʹj ij taarbâž vaʹrrjed, leša äʹššeemvuâr vuäitak jouddâd siõmmna ääiʹj vueʹrdded.
Lääʹddǩiõllsaž ougglõskääzzkõs lij äävai arggpeeiʹvi čiâss 9-15.
Nuõrttsääʹmǩiõllsaž kääzzkõs lij äävai nelljdpeeiʹvi čiâss 9-11.
Kela tâʹvvsääʹmǩiõllsaž ougglõskääzzkõs lij meäʹrteʹmes ääiʹj ǩidd. Jõs haaʹlääk kääzzkõõzz tâʹvvsääʹmǩiõʹlle, kueʹđ õhttvuõđväʹlddemraukkmõõžž addrõʹsse saame@kela.fi.
Vääʹld mieʹldd persontuõđštõõzz da taarbšum teâđaid leʹbe äʹššǩiiʹrjid.
Vuäǯǯak taarb mieʹldd vieʹǩǩ õhttvuõđ äävummšest da loopptummšest.
Õhttvuõtt ävvan automaattlânji vuõssmõsân vuäǯǯmest åårrai Kela kääzzkõsäʹšštobddja. Vaʹrrjõõđ tõõzz, što õhttvuõđ vuäǯǯmõš vuäitt peʹštted siõmmna ääiʹj.
Taarbšak kääzzkõõzz ââʹnnma
- tableeʹtt, jeäʹrmmteʹlfoon leʹbe teâttmašina, koʹst lie kamera da kulstõõǥǥ leʹbe kulstõõǥǥi sâjja mikrofon da šäiggan
- plaađâmprograamm, kååʹtt lij peeiʹvtum ođđsõmâs versiooʹje
- nokk jåʹttlõs da nâânn interneʹttõhttvuõđ, što videokoovv kuâsttai.
Jõs tuʹst lie vaiggâdvuõđ õhttvuõđ vuäǯǯmõõžžâst, vääʹld taarb mieʹldd õhttvuõđ Kela äʹššneǩtuärjja teʹlf.020 634 7787 vu–pi čiâss 7–17 (lääddas) leʹbe saame@kela.fi (säämas).