Päärna ǩieʹssääiʹj håiddjäʹrjstõõllmõõžži muttsin âlgg iʹlmmted Kela årra, jõs piâr vuäǯǯ privatt hååid tuärjjõõzz
Privatt hååid tuärjjõõzz vuäǯǯai piârrji âlgg iʹlmmted Kela årra, jõs päärna håiddjäʹrjstõõllmõõžž mottje ǩeässa leʹbe alggčõõuč ääiʹj. Håiddjäʹrjstõõllmõõžži muttâz vuäiʹtte vaaikted privatt hååid tuärjjõʹsse. Iʹlmmtõõzz vuäitt tuejjeed aʹlǩǩânji MuuKelast.
Iʹlmmtõõzz päärna ǩieʹzz ääiʹj håiddjäʹrjstõõllmõõžžin kaʹnnat tuejjeed sõõrǥmõõzz mieʹldd, što Kela ij määuʹs tuärjjõõzz leigga jiânnai. Takai muttâz håiddjäʹrjstõõllmõõžžin ǩeässa da alggčõõuč ääiʹj lie
- muttâz päärna håiddääiʹjest
- muttâz håiddmääus meäʹrest
- håiddpääiʹǩ leʹbe håiddai vaajtõõvvmõš
- kååddlaž õuddpeâmm alttummuš
- õuddškooul alttummuš.
Jõs håiddjäʹrjstõõllmõõžž ǩeässa leʹbe alggčõõučâst jie muttu ni mõõn nääʹleld, iʹlmmtõõzz ij taarbâž tuejjeed. Iʹlmmtõõzz jeät še taarbšuku, jõs päärnaž lij kååddlaž ouddpeâmmast leʹbe leʹbe jõs piâr vuäǯǯ dommhååid tuärjjõõzz.
Kela mähss privatt hååid tuärjjõõzz håiddsuåppmõõžž vuâđald da jäänmõsân suåppum håiddmääus veeʹrd. Tuärjjõõzz määuʹset pâi vuõiʹǧǧest õuddpeâmm puuʹtʼteeja.
Jõs päärna håiddäiʹǧǧ mottai leʹbe päärnaž lij kõskkpoddsânji meädda hååidast, Kela vuäitt juäʹtǩǩed privatt hååid tuärjjõõzz mähssmõõžž. Puärrsi da õuddpeâmm puuʹtʼteei õhttsaž suåppmõõžžin vueiʹtet obbmääusast võiddeed piârri mäʹhssem vuässõõzz muttâz ääiǥas. Håʹt piâr ij määusče håiddmääus, vuäitt Kela mäʹhssem tuärjjõs õuddpeâmm puuʹtʼteeja juätkkjed normaalân.
Muttsid vuäitt iʹlmmted aʹlǩǩânji neeʹttest
Iʹlmmtõõzz vuäitt tuejjeed vuõltteeʹl saaǥǥ MuuKelast. Kääzzkõʹsse ǩeeʹrjtõõđât neʹttbaŋkktiõttivuiʹm leʹbe mobiilstaanõõǥǥin. Nuuʹbbnalla muttsest vuäit iʹlmmted sååiteeʹl päʹrnnpiârrji puärrsid jurddum kääzzkõsnââmra 020 692 206.