Koid jälstemkoolaid vuäitt vuäǯǯad tuärjjõõzz?
Vuäitak vuäǯǯad jälstemtuärjjõõzz ouddmiârkkân täid jälstemkoolaid:
- vuåkrraazzâlm: vuåkrr di čääʹcc- da paakkeem-määus
- jiijjad vuässõsaazzâlm: vaʹsttõk, aazzâlmlääin koorǥ di čääʹcc- da paakkeem-määus
- jiijjad piârripõrtt: ǩiiddâlm håiddamkool da aazzâlmlääin koorǥ
- aassâmvuõiggâdvuõttaazzâlm: ââʹnnemvaʹsttõk, aazzâlmlääin koorǥ di čääʹcc- da paakkeem-määus
- vueʹssvuäʹmstemaazzâlm: vuåkrr di čääʹcc- da paakkeem-määus.
Muttâz takai jälstemtuärjjõʹsse
1.1.2025 ääʹljeeʹl jälstemtuärjjõõzz ij vueiʹt teänab vuäǯǯad
- jiiʹjjes vuässõsazlma
- jiiʹjjes piârripõʹrtte
- jälstemvuõiggâdvuõttaazzâlm aazzâlmlääin koorǥid.
tät šâdd tõʹst, što lääʹǩǩ mottai.
Čääʹccmääus da paakkeemkoolaid priimât jälstemkoollan, jõs määusak tõid jeäʹrben vuåkr leʹbe vaʹsttõõǥǥ lââʹssen. Čääʹccmähssan priimât 20 euʹrred määnpââʹjest oummu õõl.
Paakkeemkoollan priimât 46 euʹrred määnpââʹjest, jõs poorrâmkååʹddest lij õhtt ooumaž. Jõs poorrâmkådda koʹlle mäŋggaz, paakkeemkoolaid lââʹzztet 16 euʹrred juõʹǩǩ lââʹssoummu õõl.
Jõs jälstak piârripõõrtâst, jälstemkoollan priimât håiddamkoolaid leʹbe koolaid, kook šâʹdde čääʹʒʒest, paakkummšest da piârripõõrt jeeʹres koolain. Primmsallaš håiddamkoolai šorradvuõtt lij meäʹrtõllum lääʹjjest.
Jõs tuʹst lij aazzâlmläinn, jälstemkoollan priimât 73 proseeʹnt leʹbe âlddsin koumm neelljadvueʹzz lääinai koorǥin.
Kõõjj lââʹzz kääzzkâʹsttemnââmrest 020 692 210.