Tuärjjõs jälstemkoolaid
Vuäitak vuäǯǯad Kelast takai jälstemtuärjjõõzz, jõs tuu puåtti lie occka.
Täin seeidain mušttlet takai jälstemtuärjjõõzzâst. Takai jälstemtuärjjõõzz mieʹrren lij vieʹǩǩted tuu jälstemkooläädvuiʹm.
Ǩii vuäitt vuäǯǯad takai jälstemtuärjjõõzz?
Takai jälstemtuärjjõõzz vueiʹtet mäʹhssed õõut ooumže leʹbe määŋg oummu poorrâmkådda.
Mii lij poorrâmkåʹdd?
Poorrâmkooʹddin juuʹrdet oummuid, kook jälste põõššjen seämma azlmest. Takainalla poorrâmkåʹdd lij kaallâž, äävkueiʹm leʹbe piâr. Õhtt ooumaž še vuäitt leeʹd poorrâmkåʹdd.
Vuäitak vuäǯǯad takai jälstemtuärjjõõzz, jõs jälstak
- vuåkrrazlmest
- aassâmvuõiggâdvuõttazlmest
- vueʹssvuäʹmstemazlmest.
1.1.2025 ääʹljeeʹl takai jälstemtuärjjõõzz ij vueiʹt teänab vuäǯǯad jiijjâs vuässõsazlma leʹbe jiijjâs piârripõʹrtte. Tän mäinnan lij tõt, što lääʹǩǩ lij mottjam.
Kelast vuäitt vuäǯǯad jälstummša še jeältõkvuäǯǯai jälstemtuärjjõõzz, mättʼtõõtti jälstemlââʹzz leʹbe sääldatveäʹǩǩvuõđ jälstemveäʹǩǩvuõđ. Täin tuärjjõõzzin mušttlet jiijjâz seeidain.
Takainalla vuäitak vuäǯǯad tåʹlǩ õõut jälstummuž tuärjjõõzz vuârstes.
1.8.2025 ääʹljeeʹl mättʼtõõtti jie teänab vuäǯǯ takai jälstemtuärjjõõzz peʹce mätt-tuärjjõõzz jälstemlââʹzz. Tät muuttâs ij kuõsk mättʼtõõttjid, kook jälste jiijjâz leʹbe pieʹllkueiʹmez päärnain.