Jälstemtuärjjõs da jälstemlââʹss
Kela tuärjjad mättʼtõõđji jälstummuž määuʹseeʹl takai jälstemtuärjjõõzz leʹbe mätt-tuärjjõõzz jälstemlââʹzz.
Takai jälstemtuärjjõs
Jõs mättʼtõõđak da jälstak Lääʹddjânnmest, vuäitak vuäǯǯad takai jälstemtuärjjõõzz. Takai jälstemtuärjjõõzz ij vueiʹt ooccâd mätt-tuärjjõsooccmõõžžin, ǥu tõn vääras lij jiiʹjjes ooccmõõžžâs. Seämma poorrâmkådda kuulli vuäǯǯee jälstemtuärjjõõzz õõutsââʹjest.
Mii lij poorrâmkåʹdd?
Poorrâmkooʹddin juuʹrdet oummuid, kook jälste põõššjen seämma azlmest. Takainalla poorrâmkåʹdd lij kaallâž, äävkueiʹm leʹbe piâr. Õhtt ooumaž še vuäitt leeʹd poorrâmkåʹdd.
Takai jälstemtuärjjõõzz meärra vaaikte
- mõõn jiânnai jälstummuž mähss
- koon kååʹddest jälstempõrtt lij
- kâʹll vuõrâsoummu da päärna poorrâmkådda koʹlle
- mõõn jjiânnai poorrâmkådda kuulli oummu vuäǯǯa puåttjid.
Takai jälstemtuärjjõõzzâst puåtti vaaikte jeeʹresnalla ǥu mätt-tuärjjõõzzâst.
Vuäitak ärvvtõõllâd laʹsǩǩeem-mašina veäkka, mõõn jiânnai vuäǯǯak takai jälstemtuärjjõõzz (lääddas).
Mätt-tuärjjõõzz jälstemlââʹss
Mätt-tuärjjõõzz jälstemlââʹzz vuäiʹtte vuäǯǯad ålggjânnmin leʹbe Ålaandâst mättʼtõõđi. Sij jälstemlââʹss lij 210 euʹrred määnpââʹjest.
Jälstemlââʹzz vuäiʹtte vuäǯǯad še Lääʹddjânnmest meermättškooulâst leʹbe liikkeem-mättškooulâst mättʼtõõđi, koi määtt lie määusla da kook jälste mättstroiʹttel aazztõõǥǥâst. Jälstemlââʹss lij nuʹt 89 euʹrred määnpââʹjest.
Vuäitak vuäǯǯad jälstemlââʹzz da jeeʹres mätt-tuärjjõõzz tåʹlǩ mättʼtõõttâm-määnpõõʹjin.
Jälstemlââʹzz vuäǯǯmest ij leäkku ââʹǩǩraajj. Puärrsi puåtti jie vaaikât jälstemlâssa.