Tuʹmmstõk

Ǥu Kela lij ǩiõttʼtõõllâm tuu ooccmõõžž, vuäǯǯak tuʹmmstõõǥǥ. Tuʹmmstõõǥǥâst iʹlmmtet tuärjjõõzz meäʹr, vuâđ da mäʹhssempeeiʹv. Vuäǯǯak še tuʹmmstõõǥǥ teʹl, jõs tuʹnne ij leäkku miõttum tuärjjõs.

Kuäʹss vuäǯǯam tuʹmmstõõǥǥ?

Vuäitak ǩiõččâd MuuKelast arvvlõõzz ooccmõõžžad ǩiõttʼtõõllâmääiʹjest. Äʹššneǩ-kääzzkõõzzâst jeät tiõttu, kuäʹss vuäǯǯak tuʹmmstõõǥǥ leʹbe mõõnn kuuʹǩǩ ooccmõõžžad ǩiõttʼtõõllmõš peštt.

Sååit kuuitâǥ teʹlfoonkääzzkõʹsse, jõs tuʹst tuärj tarbb lij ǩirrsallaš. Tuʹmmstõõǥǥ ij vueiʹt ǩiirted MuuKela pääiʹǩ.

Tuʹmmstõk MuuKela da pååʹšt mieʹldd päikksad

Tuʹmmstõõǥǥ tooiʹmtet tuʹnne MuuKela sizz da pååʹšt mieʹldd päikksad. Vuäitak taʹrǩsted tuʹmmstõõǥǥ MuuKelast ouddseeid pääiʹǩest Muu ouddõõzz.

Nuʹt haaʹleen vuäitak tuäivvad, što tuʹmmstõõǥǥid tooiʹmtet tuʹnne tåʹlǩ MuuKelast. Pukid tuʹmmstõõǥǥid ij kuuitâǥ veâl vueiʹt vuäǯǯad tåʹlǩ MuuKela pääiʹǩ. Taaʹrǩest, koid tuʹmmstõõǥǥid vuäitak vuäǯǯad tåʹlǩ MuuKela sizz.

MuuKelast kaaunak tuʹmmstõõǥǥid kuõiʹt mââimõs eeʹjj ääiʹjest. Jõs taarbšak ääiʹjben tuejjuum tuʹmmstõõǥǥ, vuäitak raukkâd Kela vuõltteed tõn tuʹnne pååʹšt mieʹldd päikksad. Vuõlttâd saaǥǥ MuuKelast leʹbe sååit teʹlfoonkääzzkõʹsse.

Kela vuõiǥad puäst tuʹmmstõõǥǥ

Jõs Kela vuâmmaš tuʹmmstõõǥǥâst vââǥǥ, Kela vuõiǥad tõn. Vââǥǥ vueiʹtet vuõiǥeed nuʹt, što tõʹst lij tuʹnne juʹn-a äuʹǩǩ leʹbe häitt. Vââǥǥ vueiʹtet vuõiǥeed tuu hääʹvjõsân tåʹlǩ, jõs miâstak tõn. Jõs jiõk miõst vuõiǥummuž, Kela vuäitt eʹtǩǩeed muuttâsooccâmluʹvddkådda, što tuu tuʹmmstõõǥǥ jaukkeet.

Kela oudd vuõiǥummšest tuʹmmstõõǥǥ. Tuʹst lij vuõiggâdvuõtt ooccâd tuʹmmstõʹǩǩe muttâz läittmõõžžin.

Jõs leäk tååđtem tuʹmmstõʹǩǩe

Jõs Kela tuʹmmstõk lij tuu miõlâst puästtad, vuäitak ooccâd tuʹmmstõʹǩǩe muttâz läittmõõžžin. Vuäǯǯak tuʹmmstõõǥǥ mieʹldd vuäppõõzzid tõʹst, mäʹhtt vuäitak ooccâd muttâz. Jõs tuʹst lij mii-ne kõõččâmnalla, vääʹld vueʹššen õhttvuõđ Kela årra: