Tuʹmmstõõǥǥ läittmõš
Jõs Kela tuʹmmstõk lij tuu miõlâst puästtad, vuäitak ooccâd tõõzz muttâz.
Ainsmââʹtt vuõʹššen, vuäitt-a tuʹmmstõõǥǥ taʹrǩsted Kelast
Ainsmââʹtt pâi vuõʹššen, vuäitt-a tuʹmmstõõǥǥ taʹrǩsted Kelast. Jõs Kela tuʹmmstõk lij tuu miõlâst puästtad, vääʹld vuõʹššen õhttvuõđ Kela äʹššneǩ-kääzzkõʹsse.
Nääiʹt ooʒʒak muttâz vuäǯǯmad tuʹmmstõʹǩǩe
- Lääit tuʹmmstõõǥǥ MuuKelast.
- Vuäitak tuejjeed läittmõõžž še lomaakkin Läittmõš VAL1sms (pdf).
- Jõs jiõk âân lomaakk leʹbe tuejjed läittmõõžž MuuKelast, muuʹšt iʹlmmted läittmõõžžâst
- tuu nõõm, persoontiõtt, teʹlfoon-nââmar da addrõõzz, koozz haaʹlääk muuttâsooccmõõžž kuõskki ǩiiʹrjid da tuʹmmstõõǥǥid
- koon tuʹmmstõʹǩǩe ooʒʒak muttâz
- mâiʹd muttsid kaiʹbbjak.
- mõõn vuâđald kaiʹbbjak muttsid
- Jõs tuejjääk läittmõõžž lomaakkin leʹbe jiijjad saaʹnivuiʹm, pååʹštet läittmõõžžad Kela addrõʹsse Kela, PL 10 56 KELA.
- Jõs nuʹbb ooumaž håidd Kela-aaʹššääd peäʹlstad, suʹst âlgg leeʹd väʹlddǩeʹrjj. Looǥǥ lââʹzz nuuʹbb peäʹlest äʹššummšest.
Tooiʹmet läittmõõžž 37 peeiʹv seʹst tuʹmmstõõǥǥ pååʹštʼtempeeiʹvest leʹbe liâdglaž tuʹmmstõõǥǥ vuõlttummšest.
Tääʹrǩab vuäppõõzz läittmõõžž tuejjummša käunnʼje še tuʹmmstõõǥǥ meâlddõsân åårrai läittamvuäppõõzzâst.
Mõõnn nalla läittmõš õuddan
Jõs Kela preemm läittmõõžžâst čuäʹjtemad kaiʹbbjõõzzid obbnes, Kela oudd jiõččvuõiǥeemtuʹmmstõõǥǥ jeät-ǥa läittmõõžž sirddu muuttâsooccâmorgaaʹne.
Jõs Kela ij vueiʹt vuõiʹǧǧest jiõčč vuõiǥeet tuʹmmstõõǥǥ läittmõõžž vuâđald, tõt vuõlttad ääʹšš ǩiõttʼtõõllâmnalla muuttâsooccâmorgaaʹne. Kela vuäitt še priimmâd vueʹzz kaiʹbbjõõzzin kõskkpoddsaž tuʹmmstõõǥǥin.
Jäänmõs vueʹzzest ouddõõzzin Kela tuʹmmstõõǥǥ kuõskki läittmõõžžid ǩiõttʼtõõlât sosiaalstaanaaʹšši muuttâsooccâmluʹvddkååʹddest.
Jõs tuʹst läittmõš kuâskk korggvieʹǩǩtõõzz, škooulmäʹtǩǩtuärjjõõzz leʹbe mätt-tieʹǧǧ, tõn ǩiõttʼtõõlât mätt-tuärjjõõzz muuttâsooccâmluʹvddkååʹddest.
Muuttâsooccâmluʹvddkååʹdd tuʹmmstõõǥǥ vuäitt läittad ååsktõsvuõiǥõʹsse, kååʹtt lij ââʹlmõs läittamtääʹss.
Vuäǯǯak muuttâsooccâmluʹvddkååʹddest da ååsktõsvuõiǥõõzzâst ǩeeʹrjlaž tuʹmmstõõǥǥ ääʹššest.
Muuttâsooccâmluʹvddkåʹdd ij peʹrre ääʹšš ǩiõttʼtõõllmõõžžâst määusaid. Ååsktõsvuõiǥâs ij tääuʹjmõsân peʹrre privatt muuttâsooccjest suudõõttâm-määus. Looǥǥ lââʹzz ååsktõsvuõiggâz neʹttseeidain (lääddas).
Muuttâsooccâmorgaani õhttvuõtt-teâđ
Sosiaalstaanaaʹšši muuttâsooccâmluʹvddkåʹdd
Õhttvuõtt-teâđ da äävaiåårramääiʹj (lääddas)
Mätt-tuärjjõõzz muuttâsooccâmluʹvddkåʹdd
Õhttvuõtt-teâđ da äävaiåårramääiʹj (lääddas)
Ååsktõsvuõiǥâs