Puáđi eelliđ
Tun puávtáh ášástâllâđ mon peri Kela palvâlemsaajeest teikkâ kieldâ ášáštâllâmsaajeest.
Mottoom palvâlemsoojijn puáhtá ášástâllâđ tuše ääigiväärridmáin. Tun puávtáh väridiđ ääigi suáittimáin puhelinpalvâlussân. Ovtâskâs Kela palvâlemsajan ij pyevti suáittiđ. Jis halijdah ravvuid puhelimáin, suáiti puhelinpalvâlussân.
Ko ášáštâlah Kela palvâlemsaajeest, vääldi mieldi persovntuođâštus, tego vyeijimkoortâ teikkâ paasâ. Jis tun hoittááh nube ulmuu ääši, tun tarbâšah sust ohtâlistum väldikirje já jieijâd persovntuođâštus.
Uusâ palvâlem- já ášáštâllâmsoojijd
Tun puávtáh hoittáđ Kela-ašijdâd Kela jieijâs palvâlemsoojijn teikkâ kieldâ ášáštâllâmsoojijn. Tun puávtáh uážžuđ Kela pargein iše meid káidusohtâvuođáin maaŋgâin ášáštâllâmsoojijn já Kela kuoimij soojijn. Keejâ káiduspalvâlemsoojij tiäđuid Suomi.fi-kárttápalvâlusâst (suomâkielân).
Uusâ palvâlem- já ášáštâllâmsaje kieldâ noomáin, palvâlem- teikkâ ášáštâllâmsaje noomáin teikkâ postânumeráin. Uuccâm tuáimá suomâkielân, ruotâkielân teikkâ eŋgâlâskielân.
Sämikuávlu palvâlem- já ášáštâllâmsajeh
Aanaar ášáštâllâmsaje Avelist lii ávus jyehi koskokko tme 10-12. Lasseen tun puávtáh ášástâllâđ kieldâi ášáštâllâmsoojijn Ucjuuvâst já Iänuduv Hettaast.
Jis tun tarbâšah tulkkum, te vääldi ohtâvuođâ Kelan. Palvâlemäššitobdee väärrid tunjin táárbu mield jotteemääigi já tuulhâ ášástâllâm várás.
Uusâ palvâlemsoojijd
Tun kaavnah palvâlemsoojij já ášástâllâmsoojij ohtâvuotâtiäđuid já ávusorroomaaigijd palvâlemsaje ucâmist (suomâkielân).
Virtu-palvâlemsajeh
Virtu-palvâlemsaajeest (Virtu.fi, suomâkielân) tun puávtáh kevttiđ nettipalvâlusâid sehe printtiđ, kopijistiđ já skannađ äššikiirjijd nuuvtá. Virtu-palvâlemsaajeest tun finniih meid älkkeht ohtâvuođâ Kela káiduspalvâlusân.