Vajodittem
Jis tust lii puácuvuotâ teikkâ váddu, mii vádásmit tuu aargâd teikkâ pargoi porgâm, puávtáh finniđ Kelast vajodittem.
Vajoditmist tij sopâvetteđ vajodittem uulmijd oovtâst áámmátulmuiguin.
Vajodittem peht puáhtá finniđ meid išeniävuid, moh älkkeediteh škovlâjotteem, oppâm teikkâ pargoi porgâm.
Kela vajodittem uárnejeh ovdâmerkkân finnoduvah já privaat terapeuteh. Kela lasseen vajodittem pyehtih faallâđ pargoiäláttâslájádâsah, ornijduvah já pyereestvaijeemkuávluh.
Vajodittem lii táválávt tunjin nuuvtá. Vajodittem ääigi puávtáh finniđ vajodittemruuđâ, mii tuurvâst tuu áigápuáđu.
Jis tarbâšah vieres kielâ tulkkum, tun puávtáh finniđ tom meiddei vajoditmân. Mottoom vajodittempalvâlusah uárnejuvvojeh meiddei ruotâkielân já sämikieláid.
Maht vajoditmân piäsá?
Tun puávtáh uuccâđ Kelast vajodittem, jis tuu pargonahcâ teikkâ toimâmäppi lii hiäjunâm.
Tun tarbâšah táválávt meid tuáhtárciälkkámuš. Ciälkkámušâst iättoo, maggaar vajodittem tuáhtár tunjin avžut.
Vättee tálhudemvajodittem várás tun tarbâšah vajodittemvuávám, mii lii rahtum almolâš tiervâsvuođâhuolâttâsâst. Ko tun lah finnim tuáhtárist ciälkkámuš, puávtáh uuccâđ vajodittem.
Jis tun lah 16–29-ihásâš, puávtáh finniđ nuorâ áámmátlâš vajodittem. Ton puáhtá uuccâđ tuáhtárciälkkámušttáá.
Jis halijdah tiettiđ eenâb Kela vajoditmist, tun puávtáh suáittiđ palvâlemnumerân 020 692 205.