Kela bálvalanbáiki Soađegilis fárre
Soađegili bálvalanbáiki fárre 29.7. čujuhussii Ostoskuja 1.
Kela bálvala Soađegilis mánnodaga dmu 10–12. Bálvalusa oažžu maiddái áigevárremiin. Áiggi bálvalanbáikái sáhttá várret Kela telefonbálvalusas.
Eanaš oasi Kela-áššiin sáhttá dikšut neahtas ja telefovnnain
Measta buot Kela-áššiid sáhttá dikšut maiddái neahtas dahje telefovnnas. Kela persovdnaáššehasaide dárkkuhuvvon áššiiddikšunbálvalusas elege MuKelas sáhttá ohcat ovdduid, sáddet čuvvosiid ja almmuhit nuppástusain. MuKelas sáhttá maiddái dárkkistit iežas ohcamuša dili ja ovdduid máksinbeivviid. MuKelai sáhttá sisačálihit neahttabáŋkodovddaldagaiguin, mobiilanannemiin dahje nannengoarttain.
Telefonbálvalusas áššehas oažžu persovnnalaš rávvema neahttaáššedikšumii ja ohcamuša bargamii. Kela telefonbálvalus lea rabas juohke árgabeaivve dmu 9–16. Dárbbu mielde telefonbálvalusas sáhttá maiddái guođđit njálmmálaš ohcamuša, jos miige eará áššiiddikšunvuohki ii leat vejolaš. Eallindili guoski bálvalannummirat gávdnojit čujuhusas www.kela.fi/soita-kelaan (suomagillii).
Áššehas sáhttá dikšut áššiid telefovnnas maiddái sámegillii. Sámegielat telefonbálvalussii guđđojuvvo oktavuođaváldinbivdda nu, ahte sáddejuvvo šleađgapoasta čujuhussii saame@kela.fi.