Jeeʹresnallšem jeältõõǥǥ
Jeältõõǥǥ vuäitt vuäǯǯad määŋgast jieʹllemvueʹjjest. Jeältõõǥǥid mäʹhsse reâuggjeältõkstroiʹttel da Kela.
Vuäitak vuäǯǯad jeältõõǥǥ, ǥu õõstak jeältõkââʹjj. Ouddâl jeältõkââʹjj vuäitak vuäǯǯad jeältõõǥǥ reâuggpââʹstʼteʹmesvuõđ leʹbe reâuǥteʹmesvuõđ vuâđald. Lââʹssen vuäitak vuäǯǯad piârjeältõõǥǥ, jõs tuu roodnairuått jäämm.
Mõõn jeältõõǥǥ vuäitak vuäǯǯad?
Jeältõõǥǥid vuäitt vuäǯǯad reâuggjeältõkstroiʹttlin da Kelast. Reâuggjeältõkstroiʹttel mäʹhsse reâuggjeältõõǥǥ. Tõt vuâđđââvv pälkka da jeeʹres tuâjjtiânnsid. Jõs reâuggjeältõk lij uuʹcces, vuäitak vuäǯǯad jeältõõǥǥ še Kelast.
Reâuggjeältõkstroiʹttel da Kela mäʹhsse jeältõõǥǥid kooumnallšem vueʹjjest. Vuäitak vuäǯǯad jeältõõǥǥ, ko õõstak jeältökeeʹjj. Ouddâl jeältökeeʹjj vuäitak vuäǯǯad jeältõõǥǥ reâuggpââʹstʼteʹmesvuõđ leʹbe reâuǥteʹmesvuõđ vuâđald. Lââʹssen vuäitak vuäǯǯad piârjeältõõǥǥ, jõs tuu roodnairuått jäämm.
Vueʹlnn åårrai kaʹrtte lie norrum jeältõõǥǥ da tõn vaajtõsmääin jeeʹres vueʹjjin.
Jeältõõǥǥ lââʹssen vuäitak vuäǯǯad Kelast
- päʹrnnpaajõõzz
- jeältõkvuäǯǯai jälstemtuärjjõõzz
- jeältõõǥǥ vuäǯǯai håiddtuärjjõõzz
- rintamalââʹzz da pâʹjjelmeärrsaž rintamalââʹzz
- vuâđđpiʹrǧǧeemtuärjjõõzz.
Reâuggjeältõk
Jeänaš jeältõõǥǥin lie reâuggjeältõõǥǥ. Reâuggjeältõõǥǥ nårrai, ko leäk tuâjast da vuäǯǯak pääʹlǩ.
Reâuggjeältõõǥǥid håidda reâuggjeältõkstroiʹttel, kook lie mäŋgg.
Ton da tuâjjuʹvddjad leäʹped mähssam tuu reâuggiiʹjji ääiʹj reâuggjeältõkmääusaid. Jeältõõǥǥad mieʹrr lij ǩidd tõʹst, mõõn jiânnai leäk teäʹnʼjam tuu reâuggiiʹjji ääiʹj.
Privatt põõrǥâsneǩ lij mähssam jeältõkmääusaid jeältõkstroiʹttla, koon son lij vaʹlljääm. Mäddtäällpõõrǥâsneǩ lij mähssam jeältõkmääusaid jiijjâs jeältõkstroiʹttla, Melaaʹje.
Reâuggjeältõõǥǥin vuäǯǯak teâđ
- jiijjad reâuggjeältõkstroiʹttlest
- Jeältõkstaankõõskõõzzâst (Eläketurvakeskus)
- neeʹttest tyoelake.fi-seeidain (lääddas).
Ooʒʒ jeältõõǥǥ še ålggjânnam reâuǥast
Ålggjânnmin jälstummuš da reâuggmõš vueiʹtte vaaikted narodjeältõʹǩǩe da piârjeältõʹǩǩe. Jõs leäk jälstam leʹbe reâuggam ålggjânnmin, vuäitak vuäǯǯad jeältõõǥǥ reâuggjânnmest. Liâskk vuäitt vuäǯǯad piârjeältõõǥǥ jânnmest, koʹst pieʹllkueiʹmm lij reâuggam.
Tiõttum ålggjânnam jeältõõǥǥid vuäitt ooccâd seämma lomaakkin ko Lääʹddjânnam jeältõõǥǥid.
Muuʹšt teâudded da õhtteed ooccmõʹšše še U-meâlddõslomakk, koon nõmm lij Meâlddõs U - Jälstummuš da reâuggmõš ålggjânnmin, Liite U - Asuminen ja työnteko ulkomailla. Tõn taarbšet jeältõkooccmõõžž meâlddõssân pâi, jõs leäk jälstam, reâuggam leʹbe mättʼtõõttâm ålggjânnmin.
Mäʹhtt ooʒʒak jeältõõǥǥ?
Ooʒʒ jeältõõǥǥid da jeeʹres tuärjjõõzzid neeʹttest. Vuäitak ooccâd jeältõõǥǥ leʹbe tuärjjõõzz še lomaakkin, koon vuäǯǯak Kela konttrin da neʹttseeidain.
Jeältõkooccmõõžž vuäitak tååimted še koon täättas jeältõkstroiʹttla.
Kela puäʹresvuõttjeältõõǥǥ da staanjeältõõǥǥ vuäitak ooccâd še teʹlfoonâst njäälmlânji leʹbe Kela konttrest.
Ooʒʒ puäʹresvuõttjeältõõǥǥ muäʹdd määnpââʹj ouddâl ko leäk pääʹccmen jeältõʹǩǩe.
Kela vuäitt mäʹhssed jeältõõǥǥid mââiǩiõʹtte jäänmõsân 6 määnpââʹj ääiʹjest
Vuäitak raukkâd aʹrvvõõzz jeältõõǥǥâst ouddǩiõʹtte
Jõs haaʹlääk seʹlvted ouddǩiõʹtte, vuäitak-a vuäǯǯad narodjeältõõǥǥ, vuäitak raukkâd aʹrvvõõzz reâuggjeältõõǥǥstad jiijjad jeältõkstroiʹttlest.
Vuäǯǯak aʹrvvõõzz še neeʹttest (www.tyoelake.fi, lääddas). Kääzzkõs ohjjad tuu jiijjad reâuggjeältõkstroiʹttel kääzzkõʹsse.
Raauk tõn mâŋŋa Kelast aʹrvvõõzz narodjeältõõǥǥâst da tõʹst, vuäitak-a vuäǯǯad staanjeältõõǥǥ.
Kõõjj lââʹzz kääzzkâʹsttemnââmrest 020 692 202.