Koʹrvvõõzz maaʹtǩin
Kela koʹrvvad mäʹtǩǩ-koolaid õõlmâs leʹbe privatt tiõrvâsvuõtthuõllu, jõs mõõnak hoiddu puõʒʒâlm, vueʹrddempââʹj leʹbe šõddeem diõtt. Kela koʹrvvad määʹtǩ privatt tiõrvâsvuõđhuõllu, jõs hååidast vuäǯǯ Kela koʹrvvõõzz leʹbe jõs tuʹst lij pueʹrrvââjjamvuuʹd mähssčõnnõõttâmpõʹmmai leʹbe kääzzkõslipp. Maaʹtǩid koʹrvveet takainalla ââldmõs håiddpäikka da hääʹlbmõs jååʹttemnääʹl mieʹldd.
Säursmâʹttem diõtt jottum maaʹtǩid Kela koʹrvvad, jõs säursmâʹttem vuâđđan lij Kela leʹbe õõlmâs tiõrvâsvuõtthuâl uʹvddem säursmâʹttemtuʹmmstõk.
Jõs saʹtti leʹbe piârneǩ âlgg leeʹd mieʹldd, vuäitak ooccâd koʹrvvõõzz še sij mäʹtǩǩ-koolain.
Kela ij koʹrvved jeäʹrab talkksi viǯǯâm-määʹtǩ apteekka.
Takssmääʹtǩ
Jõs tiõrvâsvuõttad leʹbe vääʹnes jååʹttemõhttvuõđ õõlǥte taaks âânnmõõžž, vuäitak vuäǯǯad maaʹtǩin koʹrvvõõzz. Jõs âânak taaks tiõrvâsvuõđad diõtt, tuʹst feʹrttai leeʹd håiddstroiʹttel uʹvddem tuõđštõs, koon nõmm lij Tuõđštõs mäʹtǩǩ-koʹrvvõõzz vääras, Todistus matkakorvausta varten (SV 67).
Juõʹǩǩ mäddkååʹddest lie 2 tiʹllʼjemnââmar, koin vuäitt tiʹllʼjed Kela-taaks. Vuäitak jiõčč vaʹlljeed, kuäbba nââmrest tiʹllʼjak määʹtǩ.
Ko tiʹllʼjak taaks tiʹllʼjemnââmrest, vuäǯǯak mäʹtǩǩ-koʹrvvõõzz tâʹlles taaksâst. Jõs tiʹllʼjak taaks jeeʹresåʹrnn, Kela ij koʹrvved tuu määʹtǩ.
Sääʹmǩiõllsaž äʹššneǩ vuäitt tiʹllʼjed Kela-säättaid vuõiʹǧǧest sääʹmǩiõllsaž jååʹđteeʹjest.
Looǥǥ lââʹzz sääʹmǩiõllsai põõšši taaks âânnmõõžžâst.
Taaksi tiʹllʼjemnââmar (lääddas).
Vuäitak seuʹrrjed tuʹnne eeʹjj ääiʹj nårrjam mäʹtǩǩ-koolaid neeʹttest.
Maaʹtǩi jiõččvasttõs
Jiõččvasttõs lij 25 euʹrred määʹtǩest õõutårra. Jõs tuu mäʹtǩǩ mähss pâʹjjel 25 euʹrred, Kela koʹrvvad tuʹnne suum, kååʹtt mâânn pâʹjjel 25 eeuʹr.
Eeʹǩǩjiõččvasttõs leʹbe mäʹtǩǩlaakk lij 300 euʹrred eeʹjjest. Jõs määusak kaʹlndareeʹjj ääiʹj mäʹtǩǩ-koolaid jiõčč pâʹjjel tõn, Kela koʹrvvad loppeeʹjj ääiʹj puk mäʹtǩǩ-koolaid.
Jõs jååđak taaksin, tuʹst ij taarbâž ooccâd koʹrvvõõzz vuâlla 25 euʹrred mähssam maaʹtǩin. Kela laʹsǩǩad tõid mieʹldd eeʹǩǩjiõččvasttõʹsse, jõs leäk tiʹllʼjam taaks mäddkååʹddad tiʹllʼjemnââmrest. Jõs jååđak jeeʹres ǥu taaksin, ooʒʒ koʹrvvõõzz še vuâlla 25 euʹrred mähssam maaʹtǩin. Tâʹl Kela laʹsǩǩad tõid mieʹldd eeʹǩǩjiõččvasttõʹsse.
Koʹrvvõs instummšest
Jõs jooudak ouddmiârkkân hueʹnes jååʹttemõhttvuõđi diõtt insted håidd- leʹbe säursmâʹttempäiʹǩǩ-kååʹddest, vuäitak vuäǯǯad instemtieʹǧǧ. Tõt lij jäänmõsân 20,18 euʹrred suutkâst.
Looǥǥ lââʹzz