Piʹrǧǧummuš säursmâttmõõžž ääiʹj
Kela voi tuärjjeed tuu tällõõzz peäʹlnn säursmâʹttem ääiʹj. Täk tuärjjõõzz lie
- säursmâʹttemteäʹǧǧ
- nuõr säursmâʹttemteäʹǧǧ
- tuõʹllʼjemkoʹrvvõs.
Säursmâʹttemteäʹǧǧ
Vuäitak vuäǯǯad säursmâʹttemtieʹǧǧ, jõs jiõk pââʹst reâuggad leʹbe ooccâd reâuǥ, ko vuässõõđak säursmâttmõʹšše.
Vuäitak vuäǯǯad säursmâʹttemtieʹǧǧ, ko säursmâʹttmad jääʹrjast
- Kela
- puõccipõrtt
- sosiaal- da tiõrvâsvuõttkõõskõs
- tuâjjtiõrvâsvuõtthuâll.
Tuʹst eeʹǩǩpuåtti vaaikte säursmâʹttemtieʹǧǧ meärra. Eeʹǩǩpuåttjin juuʹrdet tuu puåttjid 12 määnpââʹj ääiʹj. Jos tuʹnne miõđât säursmâttmõõžž õuddmiârkkân vueʹssmannust 2025 õõudårra, Kela mähss tuʹnne säursmâʹttemtieʹǧǧ tõi puåttji mieʹldd, koid leäk vuäǯǯam 1.4.2024–31.3.2025.
Säursmâʹttemteäʹǧǧ lij pâi ooʹccmõsân 31,99 euʹrred peeiʹvest leʹbe nuʹtt 800 euʹrred määnpââʹjest. Säursmâʹttemtieʹǧǧest mâânn piiđ.
Nuõr säursmâʹttemteäʹǧǧ
Vuäitak vuäǯǯad nuõr säursmâʹttemtieʹǧǧ, jos puk täk määin teâuddje:
- Leäk 18–19-ekksaž.
- Puõʒʒâlm leʹbe vââʹǩǩ hueʹnad tuu reâuggpâstlvažvuõđ leʹbe mättʼtõõttâmpâstlvažvuõđ.
- Taarbšak jeeʹrab tuärj säursmâttma.
- Tuʹnne lij rajjum pueʹrrvââjjamvuuʹdstad jiijjad-i mättʼtõõttâm- ja säursmâʹttemplaan (KHOPS).
Vuäitak vuäǯǯad nuõr säursmâʹttemtieʹǧǧ, ko mättʼtõõđak leʹbe ko leäk säursmâttmõõžžâst, kååʹtt täävtââll reâuggjieʹllma.
Tuõʹllʼjemkoʹrvvõs
Jos säursmâttmõõžžâst šâʹdde lââʹsskool, vuäitak vuäǯǯad tuõʹllʼjemkoʹrvvõõzz. Vuäitak vuäǯǯad tuõʹllʼjemkoʹrvvõõzz tåʹlǩ, jos vuäǯǯak pukin uuʹccmõõzz säursmâʹttemtieʹǧǧ.
Tuõʹllʼjemkoʹrvvõs lij 9 euʹrred peeiʹvest. Tuõʹllʼjemkoʹrvvõõzzâst ij mõõn piiđ.