Keesi puáhtá nubástusâid Kela palvâlemsoojij ávusorroomaigijd
Keessiv-uv Kela-aašijd kannat hoittáđ MuuKelast tâi suáittiđ puhelinpalvâlusân. Maaŋgâin Kela palvâlemsoojijn ávusorroomääigih muttojeh keesi ááigán.
Kela palvâlemsoojij ávusorroomaaigijn láá nubástusah keessiv. Kesiávusorroomääigih puátih vuáimán taađeest kesimáánu rääjist já noheh majemustáá 30.9.2024.
Ääigi tääsist orroo ávusorroomaaigijd kannat tärhistiđ čujottâsâst www.kela.fi/palvelupisteet (suomâkielân). Tun puávtáh meid keččâđ sierâ listo Kela palvâlemsoojij ávusorroomaaigijn keessiv 2024 (pdf, suomâkielân).
Aanaar palvâlemsaje (Petsamontie 3, 99800 Avveel) lii koskâpuddâsávt kiddâ 1.7.2024–31.8.2024.
Kela-aašijd tun puávtáh hoittáđ älkkeht neetist tâi puhelimist
Tun puávtáh hoittáđ Kela-aašijd iänááš neetist: puávtáh ovdâmerkkân uuccâđ hiäđuid, tärhistiđ miärádâs, uáiniđ kuás toorjâ máksoo, toimâttiđ lahtosijd já vuolgâttiđ Kelan viestâid. Kela nettisiijđoin chatrooboot rävvee pirrâ jándur eereeb iärrás aašijn, moh lohtâseh áigápuátutorjui, almos aassâmtorjui, uáppei torjuid sehe peerâtorjuid. Kela palvâl äššigâsâid meid Facebookist já Instagramist.
Jis jieččân áášán ij kavnuu vástádâs neetist, te tun puávtáh suáittiđ Kela puhelinpalvâlusân. Puhelinpalvâlus lii keessiv-uv ávus vuossaargâst vástuppiäiván tme 9–16. Jonsahpeiviááptu 21.6. mii puhelinpalvâlus lii kiddâ. Puhelimist tun puávtáh hoittáđ siämmáid persovnlijd aašijd, ko palvâlemsaajeest-uv.
Sämikielâliih palvâlusah kesipaajeest
Kela nuorttâlâškielâlâš puhelinpalvâlus lii ávus tuorâstuvâi tme 9–11 numerist 020 634 4795 (kiddâ 17.6.–5.7. já 29.7.–9.8.2024). Tavesämikielâlâš puhelinpalvâlus lii tuáistáážân kiddâ.
Sämikielâliih äššigâsah pyehtih kyeđđiđ meid ohtâvuođâväldimtáttum šleđgâpoostân čujottâsân saame@kela.fi.
Maht mun hoittáám Kela-ašijdân, jis aldemus palvâlemsaje lii kiddâ?
Jis tun jieh pyevti hoittáđ jieijâd ääši neetist tâi puhelimist já aldemus Kela palvâlemsaje lii kiddâ, tun puávtáh finniđ iše Kela-aššijd meid eres saajeest. Maaŋgâin päikkikuudijn lii virgeomâhái ohtsâš ášástâllâmsaje, mast rävvejeh almolii tääsist Kela-aašijn. Kela-aašijn finnee ravvim meid maaŋgâin Ohjaamoin, Lähitorijn já palvâlemkuávdáin. Toos lasseen maaŋgâ päikkikoddeest lii Kela káiduspalvâlus, mon peht tun finniih Kela pargei kove- já jienâohtâvuođâ. Káiduspalvâlus västid palvâlem Kela jieijâs palvâlemsaajeest.
Pááppárpoostâ tun puávtáh vuolgâttiđ čujottâsân Kela, PL 10, 00056 KELA.
Luuvâ lase