Geassi buktá nuppástusaid Kela bálvalanbáikkiid rabasáiggiide
Geassitge Kela áššiid gánneha dikšut MuKelas dahje riŋgemiin telefonbálvalussii. Máŋggain Kela bálvalanbáikkiin rabasáiggit nuppástuvvet geasi áigái.
Kela bálvalanbáikkiid rabasáiggiin leat rievdadusat geasi áigge. Geasserabasáiggit bohtet fápmui dađistaga geassemánu rájes ja nohket maŋimustá 30.9.2024.
Anára bálvalanbáiki (Petsamontie 3, 99800 Avvil) lea gaskaboddosaččat gitta 1.7.2024–31.8.2024.
Rabasáiggiid, mat leat áiggidásis, gánneha dárkkistit čujuhusas www.kela.fi/palvelupisteet (suomagillii). Don sáhtát maiddái geahččat sierra listtu Kela bálvalanbáikkiid rabasáiggiin geassit 2024 (pdf, suomagillii).
Kela áššiid don sáhtát dikšut álkit neahtas dahje telefovnnas
Sáhtát dikšut eanaš oasi Kela áššiin neahtas: ohcat ovdamearkan ovdduid, dárkkistit mearrádusa, oaidnit goas doarjja máksojuvvo, doaimmahit čuvvosiid ja sáddet Kelai dieđuid. Kela neahttasiidduin chattirobohtta rávve birra jándora earret eará áššiin, mat laktásit áigáiboahtodoarjagii, almmolaš ássandoarjagii, studeanttaid doarjagiidda ja bearašovdduide. Kela bálvala áššehasaid maiddái Facebookis ja Instagrammis.
Jos du áššái ii gávdno vástádus neahtas, sáhtát riŋget Kela telefonbálvalussii. Telefonbálvalus lea geassit maid rabas vuossárggas bearjadahkii dmu 9–16. Mihcamárruohttan 21.6. min telefonbálvalus lea gitta. Telefovnnas sáhtát dikšut seamma persovnnalaš áššiid go bálvalanbáikkisge.
Sámegielat bálvalusat geassit
Kela nuortalašgielat telefonbalvalus lea rabas duorastagaid dmu 9–11 nummiris 020 634 4795 (gitta 17.6.–5.7. ja 29.7.–9.8.2024). Davvisámegielat telefonbálvalus lea doaisttážii gitta.
Sámegielat áššehasat sáhttet guođđit maiddái oktavuođaváldinbivdaga šleađgapostii čujuhussii saame@kela.fi.
Mo divššun Kela ášši, jos lagamus bálvalanbáiki lea gitta?
Jos it sáhte dikšut iežat ášši neahtas dahje telefovnnas ja lagamus Kela bálvalanbáiki lea gitta, sáhtát oažžut veahki Kela áššiide maiddái eará sajis. Máŋgga báikegottis lea virgeoapmahaččaid oktasaš áššiiddikšunbáiki, gos rávvejuvvo almmolaš dásis Kela áššiin. Kela áššiin oažžu rávvema maiddái máŋggain Ohjaamoin, Lähitoriin ja bálvalanguovddážiin. Dan lassin máŋgga báikegottis lea Kela gáiddusbálvalus, man bokte oaččut Kela bargái govva- ja jietnaoktavuođa. Gáiddusbálvalus vástida bálvalusa, mii fállojuvvo Kela iežas bálvalanbáikkis.
Báverpoastta sáhtát sáddet čujuhussii Kela, PL 10, 00056 KELA.